Accessibility links

пәнҗешәмбе, 8 декабрь 2016, Казан вакыты 08:57

Qazaxstanda oppozitsiä citäkçese irekkä çığarıldı


Qazaxstan oppozitsiä citäkçese, inde taratılğan Qazaxstan demokratik saylawı xäräkäten oyıştıruçılarnıñ berse Ğalimcan Jakianovnıñ xatını Qarlığaç 7 yılğa törmägä yabılğan ireneñ cäza möddäteneñ yartısı ütkäç irekkä çığarılğanın belderde. Qarlığaç äytüençä, mäxkamä prokuraturanıñ Jakianovnı törmädän irtä çığaruğa qarşı möräcäğäten kire qaqqan. Jakivanov 2001-nçe yılda Qazaxstan Demokratik saylawı xäräkäte oyıştırılğannan soñ wazıyfasın yaman maqsatta faydalanuda ğäyeplänep xökem itelgän ide. Ul yabılğannan soñ xäräkät säyäsi partiägä äwerelde. Ämma bıltır mäxkamä bu partiäne konstitutsiägä qarşı belderülär yasawda ğäyepläp "taratırğa" digän qarar çığardı. Jakianov häm anıñ tarafdarları ul säyäsi säbäplär belän xökem itelde dip isäpli.

XS
SM
MD
LG