Soñğı könnärneñ iñ xikmätle häm kiñ cämäğätçelekkä taralmağan yañalığı milli mäcles oyışmasınıñ Qazanda ütkän qorıltayı. Matbuğatta, televidenie häm radioda anıñ qayda, qayçan ütäçäge iğlan itelmäde. Xäzergä şul bilgele Milli mäcles qorıltayı ütkän, moña qädär anıñ räise bulğan Gabdulla Ğaliullin urınına ğalim häm cämäğät eşleklese İldus Ämirxanov saylanğan. Şulay itep milli mäclesneñ iñ berençe räise Tälğat Abdullin, annarı Fäwziä Bäyrämova, Aydar Xälim häm Gabdulla Ğaliullinnan soñ İldus Ämirxanov şuşı oyışmanıñ yazmışı öçen cawap birä. Tatar xalqınıñ milli mäclese qorıltayı delegatları fevral' ayında ütäçäk Tatarstan möselmannarı qorıltayına möräcäğät qabul itkännär, anda respublikada İslam dineneñ torışı, diniä näzaräte eşçänlegenä mönäsäbät belderelä. Möselmannar qorıltayında yaña räis häm möfti wazifasına nämzätlär arasınnan milli mäcles Gabdulla Ğaliulla kandidaturasın yaqlıy.
Rimzil Wäli
