Accessibility links

җомга, 9 декабрь 2016, Казан вакыты 08:59

Germaniä kanslerı Merkelneñ Mäskäw säfäre


Germaniä kanslerı Angela Merkel Mäskävgä vizit belän kilde häm przident Putin belän söyläşülär alıp bardı. Anıñ Washingtonğa öç könnek vizitınnan soñ, altı säğätkä genä Mäskävgä kilüe Alman-Rusiä mönäsäbätlärnneñ üzgärä töşüen işarä itä. Elekke kansler Şröderdän ayırmalı bularaq ul qayber NKO väkilläre belän dä oçraştı.

Rusiä prezidentı Putin Merkel prezident bulğanan soñ ikeyaqlı mönäsäbätlärdä prinsipial üzgäreşlär bulmadı dip belderde häm ike il arasındağı sävdä-ekonomik äyläneş uzğan yılda 32 miliard dollarğa citte dip belderde.

"İkeyaqlı sävdä häm ekonomik mönäsäbätlärdä bez yaña çiklärgä yaña rekordqa ireştek , sävdä dä 32 miliard dollardan uzıp kittek Bez Tomskta yaña ere xökümätara ciınğa üzerlänäbez häm yaqın kiläşäktäge ekonomik xezmättäşlekkä qarağan mäxsus plannar tikşeräbez."

Putin Dresden şähäreneñ 800 yılığı uñayınan anda vizit yasarğa häm kansler belän oçraşırğa äzer toruın da belderde. Kansler Merkel dä ekonomik ülkädä xezmättäşlek kiläçäktä dä dävam itärgä tieş dip äytte. Merkel Mäskävgä kiler aldınna Der Spiegel jurnalına birgän ängämäsendä AQŞ belän duslarça , ä Rusiä belän strategik partnerlıq taraftarı buluın äytte. Merkel Rusiä belän strategik partnerlıq ber ük vaqıtta problemmalı mäsälälärne dä kütärep çığarğa mömkinlek bireregä tieş digän pozitsiädä tora. Merkelneñ Putin belän oçraşqannan häm press-konferesniädän soñ NKOlar häm keşe xoquqları oyışması väkilläre belän oçraşunı da planlağan. Bu da, Şröderdän soñ Germaniäneñ Rusiägä qarata mönäsäbäteneñ üzgärä töşüen işarä itä. Şröder kanlser bulğanda andıy oçraşular bulmadı. Merkelneñ Putin belän söyläşülärdä İran belän atom programması säbäple kilep çıqqan konfliktnı da kütärep çıqqandır. Merkel açıqtan açıq bulmasa da, Çeçnä. mätbuğat ireklege, Yukos häm Xodorkovskiy mäsäläsen , şulay uq NKOlarnıñ eşçänlegen qıyınlaştırğan yaña qanu proyektı mäsäläsen dä kütärep çığaçağın äytkän ide. Ul şulay uq Putinne Rusiä kiläçäktä gaznı politik qoral itep faydalanmasın dip tä künderergä tırışqandır. Läkin, Merkelneñ xäräkät ireklege çiklängän. Tışqı mönäsäbätlär buyınça Alman Şurası belgeçe Aleksander Rahrnıñ fikerençä, ike il arasındağı mönäsäbätlär pragmatik bulaçaq.

"Strategik mönäsäbätlär qalaçaq. Germaniäneñ Rusiä belän ekonomik xezmättäşlek, bigeräk tä energetika ölkäsendä mänfäğätläre bar. Rusiä Germaniäne Könbatıştağı üzeneñ advokatı dip kürä. Şröder belän Putin arasındağına oxşaş duslıq bälkim bulmas, Atmosfera, ton bälkim üzgärer. Läkin mönäsäbätlär möhim häm strategik bulğannıqtan, alar qalaçaq."

Putin belän Merkel arasındağı söyläşülärneñ planlanğanğa qarağanda ozağıraqqa suzıluı da çitdi temalarnıñ tikşerelgänen işarä itä. Şul säbäple press-konferensiä dä kiçekte. Bu kiçegülär arqasında press konferensiäneñ eçtälege, yäisä Merkelneñ NKOlar belän oçraşuı turında bu tapşıruda söyli almıybız.

Färit İdelle, Praga.
XS
SM
MD
LG