Accessibility links

шимбә, 10 декабрь 2016, Казан вакыты 15:55

Şähär idaräse üzgäreş kiçerä


Qazan şähäreneñ munitsapl' berämlege başlığı İl'sur Metşin başqala idäräsendä eşçe köçlärne qısqarttı, urınbasarların, rayon başlıqların bilgeläde. İşarädäge 2500 xezmätkärdän 1700 keşe qaldırıldı. Qazan başlığı qısqartılğan keşelärneñ eş taba alaçaqlarına ışana häm üzeneñ eş-ğamällären xakimiätneñ xalıqqa yaqınayu belän añlata. Ul elekke şähär idäräsen bik awır yözüçe köymä belän çağıştıra. Şuña da köymäne ciñeläytergä buldı. Artıq keşelärne köymädän töşerde, yañaların utırttı. Bu xaqta barlıq gazetalar häm başqa massaküläm mäğlümat çaraları xäbär ittelär diärlek. Läkin başqala xalqına alarnıñ kübese tanış tügel. Menä mäsälän Sovet rayonına “Bäxetle” cawaplılığı çiklängän şirkätneñ citäkçeläreneñ berse - Vladimir Fomin bilgelände. “Bäxetle”ne işetügä Qazan xalqınıñ küz aldına Vladimir Fomin tügel, ä zur kibet küz aldına kilä. Äytergä kiräk, 45 yäşlek älege citäkçe belgeçlege buyınça Tübän Qamada eşlägän. Qızıq bit ä, Qazan başlığı da şunnan urınbasarları da…. Fomin Sovet rayonına yaña bilgelänep quyılğan. Şulay uq, İdel buyı rayonı belän dä ör-yaña başlıq idarä itä başladı. Ul – Ramil Kärimov, “Ritual” munitsipal' unitar oyışmasınıñ citäkçese. Bu isem dä älegä tanış tügel… Başqalanıñ başqa rayon başlıqlarına kilgändä, alar yaña keşelär tügellär. Läkin alarnı da Qazan başlığı bilgeläp quydı. 2 rayon başlığın äytsäk, qalğan 5 administrativ rayonnıñ xalqı moñ-zarları belän tübändäge keşelärgä möräcäğät itärgä tieş bulalar; Awitözeleştä – Andrey Belov, Kirov rayonında- Aleksandr Barıyşev, Mäskäwdä – Güzäliä Minkina, Yaña Savinda – Aleksey Çugunov. 2005 yılnıñ dekaber ayında Vaxitov rayonına citäkçelek itä başlağan Ruslan Şakirov ta üz urınında qaldırılğan. Qazan başlığınıñ urınbasarları kemnär digändä. Alar İrşat Minkin häm Röstäm Niğmätullin. Niğmätullin iqtisat, sänäğät, transport häm elemtä öçen, ä Minkin şähärdäge toraq-kommunal' xucalıqnıñ üseşe öçen cawaplı bulaçaq. Başqarma komitet apparatın Denis Qalinkin citäkliäçäk. Komitet citäkçeseneñ tözeleş, arxitektura buyınça urınbasarı – Oleg Antosenko, şähär tözeklege buyınça urınbasarı – Mansur Xafizov. Finans mä’säläläre buyınça Osqar Prokop'yev bilgelängän. Şulay uq başqarma komitet eçendä 7 komitet tözelä. Tözekländerü häm toraq-kommunal' xucalıq komitetın Tübän Qamada şuşı uq yunäleş buyınça eşlägän Andrey Yegorov. Cir, milek mönäsäbätlärenä Tübän Qamada federal' terkäw xezmätkäre bulıp eşlägän Marsel' Gabdulxakov quyılğan. İsemlekne däwam itsäk iqtisadıy üseş komitetın – Azat Şäräpov, toraq häm elemtäne Aydar Gabdulxakov, xezmät kürsätü buyınça – İrek Dautov cawaplı bulaçaq. Ä fizik kul'tura häm sportnı “Basxet-Xoll”sport qorılmasınıñ başlığı İlgiz Fäxriev citäkliäçäk. Belep kenä beter. Apparatta tağın 7 idärä tözelgän. Bu idäräçelärneñ kübese elekke kadrlar. Soñğı cidençesendä, mädäniät idäräsendä Eduar İvanov başlıq itep qaldırılğan. Röstäm İsxaqi

XS
SM
MD
LG