Ukraina parlamentı räise Volodımır Lıtvın parlament xökümätne eştän alu qararın üzgärtmiäçäk dide.
Parlament Mäskäw belän Kiev arasındağı Ukraina mänfäğätlärenä zıyanlı dip tänqitlängän gaz kileşüe säbäple 10-nçı ğinwarda Yuriy Yexanurov citäkçelegendäge xökümätne eşennän alığra qarar çığarğan ide.
Prezident Viktor Yuşçenko parlamentnı bu qararnı üzgärtergä çaqırdı.
Prezident yaqlı Bezneñ Ukraina partiäse deputatı parlamentqa resolütsiä ölgese täqdim itte.
Lıtvın parlamentta andıy resolütsiä yaqlaw tapmıyaçaq, barı xökümätkä üzgäreşlär kertelgän oçraqta ğına parlament üz qararın üzgärtertü mäs'äläsen qararğa mömkin dide.
