Accessibility links

«İñ kürkäm möselman qızı» bäygesendä ciñüçelär bilgele buldı


«İñ kürkäm möselman qızı» nindi bula digän sorawğa, düşämbe könne, bäygeneñ yomğaqlaw öleşendä cawap tabıp buldı. Bu bäyge, küp sanlı çibärlek bäygelärenä al’ternativ räweştä ütkärelde. Ul säxnädä tügel ,ä xatlar aşa, tamaşaçılarsız mäçet zalında ütte.

«Möselman xatın-qızlar arasında iñ-iñnärne saylaw kebek, «Aqçarlaq» gäzite uylap tapqan bu original ideya da, tiz arada dönyağa taraldı. Bu waqiğanı yaqtırtırğa, Qazannan ğına tügel, Mäskäwdän dä jurnalistlar kilde.

«İñ kürkäm möselman qızlar» bäygeseneñ final öleşe, «Nurulla» mäçetendä ütte. Bäyge, yuğarı uqu yortlarındağı imtixanı xäterlätte. Finalğa çıqqan 8 qız, jyuri ägzäläre utırğan östäl yanında basıp, üzläre belän tanıştırdı. Här berse, qul eşlären, çigelgän yawlıqların, sölgelären kürsätte. Peşergän çäk-çäk, bawırsaqların täqdim itte. Qor’ännän berär sürä uqıdı. Jyuridağı abıstaylarnıñ çeterekle sorawlarına cawap birde.

Bu bäygene uylap tapqan «Aqçarlaq» gäziteneñ baş möxärrir urınbasarı Gölnaz Şämsi añlatqança , bäyge iğlan itelgännän soñ, gazetağa 80läp xat kilgän bulğan. Alar arasınnan 56 xat bäygegä saylap alınğan bulğan. Qızlar, foto räsemnären cibärergä häm küñelgä ütep kererlek itep xatlar yazarğa tieş bulğannar. Şunnan, bäygene oyıştıruçılar, şuşı 56 nämzättän 8ne saylap alğan.

«Qol şärif» mäçetendä köndezge namaznı uqığannan soñ, Tatar aşları yortında bäygedä ciñüçelärne büläkläw çarası ütte. Bäygeneñ final öleşendä ciñüçeneñ kem buluı inde bilgelänsä dä, intriga axırğa qädär saqlandı. Ciñüçelärne büläkläw tantanasın «Aqçarlaq» gäziteneñ baş möxärrire Ruzilä Safina alıp bardı. Bäygeneñ maqsatın ul, gailä uçağın torğızuçı, tuğrılıqlı xatınnar kürü itep bilgeläde. «Bez çibärlek bäygesen

İñ başqa Balıq Bistäsennän 16 yäşlek Gölnur Gälävieyıva büläklände, annan soñ, Çistaydan Rabiğa Möfluxunova, Arçadan Cämilä Äbdraşitova, Çallıdan Nurrulova İslamiä büläklär aldı. Alarğa, bäygeneñ iğänäçe kömeş muyınsalar büläk itte. 4nçe urın, Başqortstan qızı, Galiä Möxärrämovağa birelde. Öçençe urında Saba rayonı Bigänäy awılı qızı Aygöl Nurievada ide, ä Tübän Kamadan Gölnaz Miñlexanova bäygedä ikençe ide.

İñ kürkäm möselman qızı digän bäygedä Tubän Kama rayonı, Yuğarı Çallı awılınnan Dilärä Sadıyqova ciñüçe itep tabıldı. Aña bäygeneñ diplomı häm Misırda yal itärgä ber atnağa turistik yullama büläk itelde. «Aqçarlıq» gäziten näşer itüçe çırçı Gäbdelfät Safin ciñüçe büläklärgä çıqqanda, andıy çaranıñ kiläse yılğa da ütkäräçägen äytte. Juri äğzäse Säydä abıstay Appakova, näq menä bu qıznı nigä saylap alınuın, andıy kürkäm qızlarnıñ tağı da kübräk kürergä teläwe belän añlattı. Bäygedä ciñüçelärgä, iğänäçelärdän Äs-säläm kibetendä möselam kiemnären alırğa 5 häm 10 meñlek sertifikatlar tapşırıldı. Qoş şärif mäçete imamınnan maxsus büläklär birelde. Bäyge barışında Gäbdelfät Safin üzeneñ cırların başqarıp, qunaqlarnıñ käyefen kütärde. Bu bäyge «Aqçarlaq» gäziteneñ 5 yıllığına da bağışlanğan ide.

XS
SM
MD
LG