Paqstan üz cirendä uzğan comğadağı AQŞnıqı dip isäplänelgän hawa höcüme qorbannarı arasında kimendä 4 çit il suğışçısı bulğanlığın belderde.
Paqstannıñ Bajur töbägeneñ xakimiät başlığı Fahir Wäzir ul suğışçılar höcüm könendä comğa aşına çaqırılğan çit il kyaferläre törkemendä bulğan dide.
Anıñ äytüençä, cirle suğışçılar höcüm säbäben yäşerü öçen ul suğışçılarnıñ mäyetlären annan alıp kitkän.
Höcüm näticäsendä 18 ğäyepsez keşeneñ dä üterelüe turında äytelä.
Elegräk Paqstan üz cirendä mondıy höcümnärneñ qabul itelmäwen, şul uq waqıtta Waşingtonnıñ möhim berektäş bulıp qaluın belderde. AQŞ xärbiläre bu höcümgä üz qatnaşlıqları buluın kire qaqtı.
Xäbär agentlıqları AQŞ küzläw räsmiläreneñ höcümneñ maqsatı Äl-Qaidä yuğarı citäkçese Ayman äz-Zärqäwine yuq itü ide digän süzlären kiterä.
