Accessibility links

якшәмбе, 11 декабрь 2016, Казан вакыты 03:12

Qazaxstannıñ törmädän çıqqan oppozitsiä citäkçese Ğalimcan Jaqianov säyäsättä qala


Qazaxstannıñ uzğan şimbä könne törmädän çığarılğan oppozitsiä citäkçese Ğalimcan Jaqianov säyäsättä qalırğa cıyınuın belderde. 3 yıldan artıq törmädä utırğannan soñ irekkä çıqqaç Jaqianov berençe matbuğat oçraşuı ütkärde. Ul şulay uq prezident Nursoltan Nazarbayevnı demokratik reformalar uzdıru wäğdälären ütärgä çaqırdı. "Minem pozitsiä - 2001-nçe yılnıñ közendä min häm iptäşlärem beldergän pozitsiä üzgärmäde. Ul şulay qala. Xäzer 4 yıl ütkäç min haman da cämğiätebezneñ, ilebezneñ normal' tärräqiäte öçen demokratik reforma kiräk dip tulısınça ışanam" dide Jaqianov. Jaqianov 2001-nçe yılda Qazaxstan Demokratik Saylaw partiäsen oyıştıruçılarnıñ berse buldı. Ber yıl soñraq ul Pavlodar ölkäse başlığı bularaq wazıyfasınnan yaman faydalanuda ğäyeplänep 7 yılğa törmägä yabıldı. 2004-nçı yılda bu partiä tıyıldı. Jaqianov tarafdarları häm xoquq yaqlaw törkemnäre ul säyäsi säbäplär belän törmägä yabıldı dip isäpli.

XS
SM
MD
LG