Accessibility links

Кайнар хәбәр

Ğiraq İran tarafınnan totılğan 9 Ğiraq çik saqçısın qaytarunı taläp itte


Tışqı eşlär ministrlığı süzçese ministr Xöşiär Zebari bu mäs'äläne bügen Bağdadta İran ilçese belän oçraşuda kütärde di. Ämma Tährannıñ Bağdadtağı ilçese mondıy waqıyğa bulğanlığın kire qaqtı. Elegräk Basra şähäre başlığı Möxämmät äl-Wäli uzğan şimbädä çik buyında İran xärbi köymäse atış waqıtında Ğiraqnıñ ber xärbien üterde, 9-ın alıp kitte dip beldergän ide. Äl-Wäli äytüençä, atış Ğiraq xärbi yılğa kizüe Ğiraq älämen taqqan şikle köymägä tap bulğannan soñ başlanğan. Anıñ äytüençä, köymä yardämgä İran köçlären çaqırğan bulırğa oxşağan häm İran xärbi korabı Ğiraq kizüenä höcüm itkän. Waqıyğa Şat-äl-Ğäräp yılğasınıñ qaysı yarında bulğanı äle açıq tügel.
XS
SM
MD
LG