Accessibility links

шимбә, 10 декабрь 2016, Казан вакыты 08:22

Rusiä Prezidentı wäkile un Qazan keşeseneñ şikäyäten tıñladı


Rusiä Prezidentınıñ İdel buyı federal okrugındağı wäqälätle wäkile, bilgelänüdän soñ, inde ikençe tapqır Tatarstanğa kilä. Köne buı anı parlament räise Färit Möxämmätşin ozatıp yöri. Könneñ berençe yartısında, Prezident wäkile Aleksandr Konovalov ictimaği qabul itü bülmäsendä, şikäyät itüçe keşelär belän oçraşqan. 1 säğät eçendä ul 10 keşe belän söyläşep alğan. İğtibar üzägendä – pensionerlar, saylawlardağı xärämläşü häm il küläm proyektlar. Aldağı könne, cirle telekompaniä, Rusiä Prezidentı wäkile kilä, aña däğwä, şikäyätläregezne üzegez kilep, belderä alasız, dip xäbär itkän bulğan. Keşelär kilgän, qabul itü urının äyländerep alğan militsiä xezmätkärläre, alarnı borıp cibärde. Üze qabul itmi dip, käğäzlärne qaldırıp kitärgä genä röxsät ittelär. Ber säğät eçendä Aleksandr Konovalov, aldan yazılğan 10 keşe belän oçraştı. Şikäyät itüçelär monı üzläre dä kötmägän, çönki alar Tatarstandağı federal inspektor Marsel Ğälimärdänovnıñ qabul itü könenä genä yazılğan bulğan. Regional ictimaği qabul itü bülmäse citäkçese İdrisova Al’bina Rail qızı äytkänçä, anda bar kilgän keşelärneñ käğäzlären dä alalar, terkilär, küzgä küz küreşergä teläk beldersälär, qabul itü säğätlärenä, bilgele ber waqıtqa yazıp quyalar dide, ul. İctimaği qabul itü bülmäsendäge belgeçlär federal qanunnarnıñ ütälmäw oçraqlarına töp iğtibarnı birä. Bu yulı, Prezident wäkile Aleksandr Konovalovqa berniçä pensionernıñ moñ zarların tıñlarğa turı kilgän. Alar monetizatsiä qanunıñ ütäleşenä däğwä beldergän bulğan. Toraq komunnal xucalıqnıñ torışına qarata da şikäyät bulğan. Ber keşe, saylawlar waqıtında öndäw tärtipläreneñ bozılğan dip, federal xakimiät däräcäsenä barıp citkän. Tağın ber xanım il küläm proyektlarnıñ berse, toraq programmasında niçek qatnaşırğa mömkin, dip mäğlümat birüne sorağan. Aleksandr Konovalov, bar keşe belän söyläşep çıqqaç, jurnalistlar yanına çıqtı häm anıñ külenä bik aptıramasqa çaqırdı. Çönki İdel buyındağı här şähär, här ölkä minem eş urını dip äytte. Aleksandr Konovalov annan soñ, Alabuğa yaqlarına kitep bardı. Ä İrek mäydanındağı ictimaği qabul itü bülmäsendä, Prezident wäkile belän oçraşa almağan ber pensioner abzıy belän söyläşep aldıq. Ul biredä kilüen, taşlamalar belän faydala almawı belän añlattı. Üze Mäskäw keşese, ğömer buyı Qazanda eşlägän, tormış iptäşe ülep kitkäç, Qazanğa qaytırğa mäcbür bulğan. İnvalidlarğa tieşle darularnı Mäskäwdän barıp alırğa quşalar miña, dip söyläde Wäliev Foat abıy. Ul, Prezident wäkile aña yärdäm itä alır, dip ixlas ışana. Regional qabul itü bülmäse citäkçese Albina İdrisova äytkänçä, andıy ışana torğan keşelär, küp kilä. Atnasına 25-30 keşe bula, di ul. Ütkän yılda, 2 meñ yarımınnan artıq keşe şuşı federal xakimiätlärneñ cirle bülekçäsendä döreslek ezlägän. Şikäyät itüçelär, cirle xakimiätlärne yörep çıqqannan soñ, alardan döreslek taba almağannan soñ, federal däräcädäge çinovniklarğa kilä, dip añlattı Albina xanım. Şikäyätlär, härkemnän, atnanıñ 4 könendä, Qazandağı häm cirle ictimaği qabul itü bülmälärendä alına.

Bikä Timerova

XS
SM
MD
LG