Accessibility links

шимбә, 3 декабрь 2016, Казан вакыты 12:41

Rusiä mäxkämäse öç Tatarstanlınıñ tağı ğäyeben ezli


Rusiä Yuğarı sudı öç Tatarstanlığa qarata ğäyepsez dip tabılğan qararnı yuqqa çığardı. Süz, Bögelmädä bulğan gaz şartlawın oyıştıruda ğäyeplängän, elek Taliban dip, Guantanamo da totqın bulğan Rawil Ğömärov häm Timur İşmuratovlar turında bara. Alarnı, bıltır, Bögelmädä ğaz torbasın şartlawda ğäyeplägännär ide. Läkin, Tatarstan yuğarı mäxkämäse bu ğäyepläw döreslekkä turı kilmi dip qarar çığardı. Menä Rusiäneke, älege eşne yañadan qararğa dip belderde. Älege Rusiä mäxkämäse qararın Londonda yäşäwçe advokat, Aleksandra Zernova, Azatlıq radiosına bolay añlattı

Çınlıqta bu eşneñ töbendä, yegetlärne törmägä utırtırğa teläw genä yata. Ägär dä Rusiä häm anıñ prokuraturası, kemne dä bulsa törmägä utırtırğa cıyına ikän, alar bernindi zakonnı da, xoquqi normalarnı da tanıp tormıylar. Rusiä mäxkämäsenä bu qararı bik naçar xäbär. Bu eş belän Memorial şoğellände. Häm, böten kürsätkeçlär buyınça, rusiä Mäxkämäse, tatarstan sudınıñ ğäyepsez dip tapqan qararın raslarğa tieş ide. Kiresençä kilep çıqtı. Çınlıqta, kartina açıq. Rusiä öçen, Guantanamonıñ böten elekkege totqınnarı, yuıp töşerep bulmağan terrorist isemen yörtä. Ä bit, alarınıñ terrorist buluların ber nindi dä sud raslamadı. Şuña qaramastan, menä bu terrorist dip tanılğan isem aların ğömer buyı ozata bara häm berse dä berni eşli almıy.

Räfis Cämdixan

XS
SM
MD
LG