Accessibility links

пәнҗешәмбе, 8 декабрь 2016, Казан вакыты 12:55

Qoş kizüenä qarşı köräş öçen 1.9 millard dollar wäğdä itelde


Bügen biredä tämamlanğan konferensiädä donor illär häm oyışmalar dönyada qoş kizüe taraluğa qarşı köräş öçen 1.9 milliard dollar wäğdä itte. BMOnıñ qoş häm keşe kizüläre mäs'äläsen qarawçı koordinatorı David Nabaro bu iskitkeç häm ğädättän tış wäğdälär dide. Elegräk Dönya Bankı tärräqi itüçe illärdä qoş kizüenä qarşı köräş öçen 1 yarım milliard dollar kiräk bulır dip isäpläwen beldergän ide. AQŞ 334 million dollar, Yewropa Berlege 250 million çaması wäğdä itte. Dönya Bankı 500 million dollarlıq birü qararın rasladı. Yewropanıñ Sälamätlek komissionerı Markos Kiprianou moñarçı berqayçan da keşelekneñ pandemia başlanğançığa qädär aña äzerlänü mömkinlege bulmadı dide. "Bez üzebezne äzerlärgä tieş. Qoş kizüe qurqınıçı tiz genä betärgä cıyınmıy. Bez ozaq köräşkä äzer bulırğa tieşbez. Bu köräştä härberebez uyaw bulırğa häm möhim mömkinleklärne, energiäbezne eşkä çigärgä tieş bulaçaq. Virus Yewropanı ayamadı. Ul inde töbäktäge küp kenä illärgä taraldı. Bezneñ fermerlar häm veterinarlar kön sayın alğı sızıqta bu qurqınıçqa qarşı suğışa" dide Kiprianou. Qoş kizüennän 2003-nçe yıldan birle Könçığış Aziädä 75 keşeneñ, bu ayda Törkiädä 4 balanıñ ülüe turında xäbär itelde.

XS
SM
MD
LG