Waşingtonda AQŞ däwlät sekretare Condoleza Rice İran belän atom söyläşülären däwam itü mömkin tügellegen belderde. AQŞ-qa kilgän Yewropa Berlegeneñ tışqı säyäsät öçen yuğarı wäkile Javier Solana da anıñ belän kileşte.
Fransiä tışqı eşlär ministrlığı İrannıñ üz atom programması turındağı söyläşülärne yañartu taläben kire qağıp, Tähran başta üzeneñ şikle atom eşçänlene tuqtatırğa tieş dide.
Fransiä tışqı eşlär ministrı Philippe Douste-Blazy İrannıñ atom eşçänlegenä xalıqara cawap turında Yewropa räsmiläre belän kiñäşläşülär öçen Mäskäwgä kilde.
Bügen İran prezidentı Mäxmüt Äxmädinicat Britaniä, Fransiä, Germaniä äzerlägän, İran mäs'älsen BMO İminlek Şurasına tapşırırğa çaqıruçı Yewropa rezolütsiäse artında säyäsät tora dide.
İran Könbatış taläbenä qarşı kilep soñğı arada qayber atom eşçänleklären yañarttı. Qayber könbatış däwlätläre İrannıñ atom qoralı yasawınnan qurqa. İran atom quäten barı tınıç maqsatlarda ğına qullanırğa cıyınuı turında täqrarlıy.
Bügen İrannıñ yuğarı ruxi citäkçese Ayatulla Ali Xamenei dönya İrannıñ atom eşçänlegen tuqtata almıy dide.
