Accessibility links

якшәмбе, 11 декабрь 2016, Казан вакыты 14:49

Qoş kizüen kisätügä äzerlek bara


Başqortstanda qoş kizüen kisätügä äzerlek eşläre kiñ cäyelderelä başladı. Belgeçlär fikerençä, cılı yaqlardan qoşlar Başqortstanğa da kire qayta başlasa, bu çirneñ alar belän kilüe qurqınıçı bar. Şuña kürä dä Başqortstannıñ weterinär xezmätläre älege bälağa qarşı bügennän ük äzerlek alıp bara. Weterinäriä häm fitosanıytar küzätü federäl xezmäteneñ Başqortstan idaräse xezmätkärläre respubliktağı weterinäriä xezmätläre başlıqların cıyıp, kiñäşmä ütkärep aldı. Anda süz qoş kizüen kisätü çaraları xaqında bardı. Mart ayında Başqortstanğa qoş kizüenä qarşı waqsinalar qaytarılırğa tieş ikän. Älegä anı 15 million danädä qaytarırğa dip niätlilär. Veterinäriä häm fitosanitar küzätü xezmäteneñ Başqortstan idaräse baş belgeçe Azamat Buqanov ul waqsinalarnıñ xalıqqa buşlay taratılaçağın ışandıra.

- Älbättä, äle çir tabılmadı Başqortstanda. Ämma bez aña äzer bulırğa tieşbez. Mart ayında bez respublikğa waqsinalar qaytara başlıybız häm alarnı urınnarğa tarataçaqbız. Alar buşlay bireläçäk xalıqqa. Barlıq weterinäriä xezmätläre dä töbäklärdä gel nıqlı küzätü alıp baraçaq, di Azamat Buqanov.

Azamat äfände Başqortstanda xäzer xalıq arasında da qoş kizüe xaqında kiñ añlatu eşläre başlayaçaqları turında äytä. “Yaz köne xalıq küpläp çebeşlär häm ürdäk, qaz bäpkäläre ala başlayaçaq. Şuña kürä dä alarnı döres tärbiäläw xaqında mäğlümat birergä tieşbez”, di weterinäriä belgeçe.

XS
SM
MD
LG