Accessibility links

пәнҗешәмбе, 8 декабрь 2016, Казан вакыты 09:04

Möfti Tälgät Tacetdin yaña isem aldı


Ufadağı baş möfti Tälgät xäzrät Tacetdin üzeneñ isemen almaştırğan. Şuşı xäbär soñğı ike köndä küp kenä mäğlümat çaralarında urın aldı. İmeş, möfti xäzrät xäzer elekkeçä Tälgät Tacetdin tügel, ä Şäyxulla Tacetdin dip yörteläçäk ikän. Şuşı yañalıqnıñ döreslegen tikşerü öçen, bez möfti xäzrätneñ üzenä möräcägät itärgä buldıq. Ämma anı urınında tota almadıq. Häm bu mäsälägä açıqlıqnı möfti xäzrätneñ matbuğat süzçese Zäki Ğäliäkbärov kertte. Anıñ süzlärençä, Tälgät Tacetdin üzeneñ isemen almaştırmağan, ä östämä isem genä alğan ikän. Dönyalıqta, yağni pasportındağı iseme elekkeçä – Tälgät Safa ulı Tacetdin bulıp qalğan, ä Şäyxulla isemen möfti xäzrät östämä isem bularaq qına alğan. Şuşı isem belän ul barlıq eş qäğäzlären imzalayaçaq ikän. Tälgät xäzrätneñ Şäyxulla isemen aluınıñ säbäben anıñ matbuğat süzçese bolay añlattı:“Möfti xäzrätebez uzğan yılda bik qatı awırular kiçerep aldı. Üzeneñ yaña iseme belän ul yazmışın da üzgärtü iximällığına ömetlänä. Häm, ğomumän, Şäyxulla iseme bik matur yañğırıy. Anıñ mäğnäse dä tirän. “Allahnıñ qartı”, “Allahnıñ şäyexe”, digänne añlata bu isem”. Menä şundıy añlatma birde baş möfti Tälgät xäzrät Tacetdinneñ matbuğat süzçese Zäki Ğäliäkbarov.

Kiñ cämägätçelek baş möftineñ törle yañalıqlarına öyränep betkän inde. Anıñ yaña isem aluına da bik ğäcäplänmäs, şikelle. Annan härkemneñ şäxsi eşe bit äle bu.

Fänis Fätxi, Ufa

XS
SM
MD
LG