Başqortstan parlamentı kiläse atnanıñ pänceşämbe könendä üzeneñ bıyılğı yazğı sessiäsen açıp cibärä. Bu xaqta Başqortstan Däwlät Cıyılışı-Qorıltaynıñ prezidiumı äğzaları üz utırışlarında qarar itte. Bıyılğı yılnı häm yazğı sessiäne açqan täwge utırışnıñ kön tärtibenä deputatlar qırıqtan artıq mäs''älä kertergä kileşte. Anda bıltır uq tikşerelä başlağan baytaq mäs''älälär häm qabul itelüçe qanunnar bar. Qayber qanunnar ikençe häm öçençe uqılışta da qaralaçaq.
Deputatlar älege utırışta Rusiä belän Başqortstan arasında üzara wäqälätlärne büleşü turında 1994 yılda uq tözelgän Kileşüneñ yañasın tözüne tizlätü mäs’äläläre buyınça da fiker alıştı. Mäğlüm buluınça, respublika Prezidentı, bıyıl 10 ğinwar könne Mäskäwdä il prezidentı Vladimir Putin belän oçraşıp söyläşkändä, şuşı mä’säläne kütärgän ide. Putin äfände Başqortstan yağınıñ şuşı täqdimen ğomum alğanda xuplawın belderde. Şulay itep älege fatıyxa Başqortstan xakimiätlärenä häm parlamentına bu yunäleştä täğäyen eşlär başlarğa mömkinlek birä. Başqortstan parlamentariları Mäskäw belän yaña Kileşüneñ bıyıl uq qabul iteläçägenä ömetlänä. Deputatlar fikerençä, Rusiä belän Başqortstan arasındağı Kileşü ike yaqqa da faydağa bulaçaq. Parlamentnıñ awıl xucalığı mäs’äläläre daimi komitetı räise Zifqat Säetğaliev äytüençä, ul Kileşü Başqortstanğa iqtisatnı kütärügä zur xoquqlar biräçäk.
Şulay itep Başqortstan räsmi xakimiätläre Rusiä belän wäqälätlärne üzara büleşu xaqındağı elekke Kileşüne bıyıl uq yañartu teläge belän eş başlıy. Bu eşneñ mäşäqätle buluın härkem añlıy häm anı ozaqqa suzmasqa dip uylıylar.
Deputatlar älege utırışta Rusiä belän Başqortstan arasında üzara wäqälätlärne büleşü turında 1994 yılda uq tözelgän Kileşüneñ yañasın tözüne tizlätü mäs’äläläre buyınça da fiker alıştı. Mäğlüm buluınça, respublika Prezidentı, bıyıl 10 ğinwar könne Mäskäwdä il prezidentı Vladimir Putin belän oçraşıp söyläşkändä, şuşı mä’säläne kütärgän ide. Putin äfände Başqortstan yağınıñ şuşı täqdimen ğomum alğanda xuplawın belderde. Şulay itep älege fatıyxa Başqortstan xakimiätlärenä häm parlamentına bu yunäleştä täğäyen eşlär başlarğa mömkinlek birä. Başqortstan parlamentariları Mäskäw belän yaña Kileşüneñ bıyıl uq qabul iteläçägenä ömetlänä. Deputatlar fikerençä, Rusiä belän Başqortstan arasındağı Kileşü ike yaqqa da faydağa bulaçaq. Parlamentnıñ awıl xucalığı mäs’äläläre daimi komitetı räise Zifqat Säetğaliev äytüençä, ul Kileşü Başqortstanğa iqtisatnı kütärügä zur xoquqlar biräçäk.
Şulay itep Başqortstan räsmi xakimiätläre Rusiä belän wäqälätlärne üzara büleşu xaqındağı elekke Kileşüne bıyıl uq yañartu teläge belän eş başlıy. Bu eşneñ mäşäqätle buluın härkem añlıy häm anı ozaqqa suzmasqa dip uylıylar.
