Başqortstanda zämhärir suıqlar xakimlege däwam itä. Comğa könne respublikanıñ qayber rayonnarında salqınlıq 40-42 däräcägä, ä Ufanıñ üzendä 35-37 däräcägä citte. Älegä yortlarda häm oyışmalarda cılılıq özelüe xaqında xäbärlär işetelmi. Şulay da könnärneñ salqın toruı küp kenä üzgäreşlär kertä. Misal öçen, “Başkirenergo” berläşmäse şirkätläre atnakiçtän başlap mazut qullanuğa küçerelä başladı. Bu inde zapastağı yağulıqlar da eşkä quşıla başladı digän süz.
Salqın könnär transport eşçänlegenä dä nıq ayaq çala. Xalıqnı taşuçı avtobuslar ğına tügel, ä elektr transportı sanalğan tramvaylar häm trolleybuslar da saftan çığa. Ämma aları urınına buş torğannarı çığarıla, yä inde saftan çıqqannarı tiz arada tözätelep yulğa çığa. Ufadağı elektr transportı xucalığı başlığı Marat Xösäyenov süzlärençä, remont brigadaları xäzer täwlek äylänäse eşli. Eşçelär maxsus grafikka küçerelgän. “Şuña da täwge könnärdä bulğan özekleklär xäzer beterelep kilä”, - di Marat äfände.
Ufada ğına tügel, respublikanıñ başqa şähärlärendä dä cämäğätçelek transportı bik küp qıyınlıqlar kiçerä. Küp kenä avtobuslarnıñ tramvaylarnıñ iskergän buluı da üzen sizderä, bilgele. Soñğı könnärdä uramnarda şäxsi maşinalar sanı küpkä kimede. Ni öçen digändä, alarnıñ kübesen xucaları irtän torıp qabıza almıy. Şulay da ciñel maşinalar qatnaşlığında häläkätlär kimemi. Mäsälän, comğa könne Stärletamaq şähäre üzägendäge Babuşkin uramında beryulı yegerme ciñel maşinanıñ bäreleşüe turında xäbärlär alındı. Älege qurqınıç avariägä irtänge toman häm küp maşinalarnıñ täräzäläre bozlanıp qatqan buluı säbäpçe ikän. Maşina yörtüçelär maşinalarınıñ alğı täräzälären genä tazartıp yulğa çıqqan. Bäxetkä kürä, ülüçelär yuq, ciñelçä cäräxätlänüçelär genä bar.
Bu könnärdä öşep-tuñıp, xastaxanälärgä elägüçelär sanı da bermä-ber arttı. Comğa köngä alınğan mäğlümatlarğa kürä, şuşı atnada ğına da ayaq-qulların tuñdırıp başqalanıñ törle sırxawxanälärenä 300 dän artıq keşe kiterelgän. Alarnıñ kübese älege dä bayağı yort-cirsezlär häm iserekbaşlar.
Salqın könnär transport eşçänlegenä dä nıq ayaq çala. Xalıqnı taşuçı avtobuslar ğına tügel, ä elektr transportı sanalğan tramvaylar häm trolleybuslar da saftan çığa. Ämma aları urınına buş torğannarı çığarıla, yä inde saftan çıqqannarı tiz arada tözätelep yulğa çığa. Ufadağı elektr transportı xucalığı başlığı Marat Xösäyenov süzlärençä, remont brigadaları xäzer täwlek äylänäse eşli. Eşçelär maxsus grafikka küçerelgän. “Şuña da täwge könnärdä bulğan özekleklär xäzer beterelep kilä”, - di Marat äfände.
Ufada ğına tügel, respublikanıñ başqa şähärlärendä dä cämäğätçelek transportı bik küp qıyınlıqlar kiçerä. Küp kenä avtobuslarnıñ tramvaylarnıñ iskergän buluı da üzen sizderä, bilgele. Soñğı könnärdä uramnarda şäxsi maşinalar sanı küpkä kimede. Ni öçen digändä, alarnıñ kübesen xucaları irtän torıp qabıza almıy. Şulay da ciñel maşinalar qatnaşlığında häläkätlär kimemi. Mäsälän, comğa könne Stärletamaq şähäre üzägendäge Babuşkin uramında beryulı yegerme ciñel maşinanıñ bäreleşüe turında xäbärlär alındı. Älege qurqınıç avariägä irtänge toman häm küp maşinalarnıñ täräzäläre bozlanıp qatqan buluı säbäpçe ikän. Maşina yörtüçelär maşinalarınıñ alğı täräzälären genä tazartıp yulğa çıqqan. Bäxetkä kürä, ülüçelär yuq, ciñelçä cäräxätlänüçelär genä bar.
Bu könnärdä öşep-tuñıp, xastaxanälärgä elägüçelär sanı da bermä-ber arttı. Comğa köngä alınğan mäğlümatlarğa kürä, şuşı atnada ğına da ayaq-qulların tuñdırıp başqalanıñ törle sırxawxanälärenä 300 dän artıq keşe kiterelgän. Alarnıñ kübese älege dä bayağı yort-cirsezlär häm iserekbaşlar.
