Accessibility links

шимбә, 10 декабрь 2016, Казан вакыты 06:16

Tatnet yañalığı: tatarça xat xezmäten ber meñgä yaqın keşe qullana


Xatlar yazam siña, xatlar yazam, dip, ütkän tapşıruıbızda, Baltaç rayonındağı awıl yäşlären söylätkän ide. Tüntär awılı yäşläre, informatika uqıtuçıları yärdäme belän, kürşe awıl yäşlärenä sälämnären elektron poçta aşa ğına yullap yatalar ikän. İsegezdä bulsa, ul tapşıruda, internetta tatarça xatlar yazıp bulamı yuqmı, digän mäsäläsene dä qarağan idek. www.xat.ru säxifäse barlıqqa kilgäç, dönya kompyuter çeltäre dä tatarça xatlarnı tanıy dip äytep bula. Tapşıruıbızda, xat.ru säxifäse açıldı dip xäbär itkän idek inde. Bügenge programmada, älege proeyıktnı eşlägän kompyuterçı Ruzil Möxetdinov belän söyläşep, www.xat.ru turındağı tulıraq mäğlümat alırğa mömkinlek tudı. Xat.ru äle küptän tügel genä açıldı, ä anıñ qullanuçılar inde şaqtıy ikän inde. Tatarça xat xezmäten şul isemdäge sayt www.xat.ru säxifäse aşa häm şulay uq Ruzil eşlägän www.bulmas.ru säxifäse aşa tabıp bula. Ruzil birgän mäğlümatlarğa qarağanda, ber meñğä yaqın keşe älege säxifägä kerep, terkälgän, alarnıñ 200läp öleşe älege tatarça xat xezmäten aktiv qullana. Ruzil Möxetdinov bu www.xat.ru domenın inde küptän alıp quyıp, şundıy ideyanı eşlärgä bulğan, ämma waqıtında aqçası bulmağan, soñınnan, 1 yıldan soñ ğına, proetknı eşläp betergän. Xat.ru qullanuçığa tatar xärefläre belän kürener öçen tatarça interfeysnı Ruzil üze eşlägän. Poçta xezmäte belän ber kemne dä şaqqatırıp bulmıy xäzer, dip Ruzil, älege säxifä tatarça xäreflärne tanu, tatarça xatlar yazu kebek üzençälekne täqdim itärgä bulğan. Ul bu proektnı, yäş programmist, Baltaç yegete, Ranil Şarifzänov belän bergä alıp bara. Ranil belän elektron poçta aşa elemtägä kerdek. Häm anıñ kiläçäk plannarı turında soraştıq. Ul da şuşı tatarça xat xezmäte östendä eşlärgä cıyınuın rasladı. Menä anıñ xatınnan ber özek:

«Äle ekzamennar birep yörim. Alla birsä, ekzamennar betsä, plannar zur! Ruzil Möxetdinov, Rail Ğataullin belen http://xat.ru nı tatar mail lı itärğä isäp bar. Mene şundıy isep bar. Annarı Poçtovıy server tözergä isep bar. Ämma äzräk protokollar turında uqırğa kiräk. Tiz eşli torğan itep yasarğa isep bar bez anı. Plannar qup. Bötenesen äytep beterep tä bulmas. Syurpriz bulıp qalsın qalğannarı.»

Äytkänebezçä, şuşı tatarça xat xezmätendä inde 1000 meñgä yaqın keşe terkälgän. Ägär sez dä, älege säxifädä elektorn poçta tartmasın açarğa telisez ikän, adresnı qabatlıym. www.xat.ru

XS
SM
MD
LG