Accessibility links

шимбә, 3 декабрь 2016, Казан вакыты 05:28

Ğiraqta parlament saylawlarınıñ täğäyen näticäläre iğlan itelde


Bügen Ğiraqta 15-nçe dikäberdä ütkän parlament saylawlarınıñ täğäyen näticäläre iğlan itelde. Şığıylar kötelgänçä, 275 urınlı parlamentta iñ zur törkemgä iä bulaçaq. Alarğa 128 urın birelä. Ämma alar küpçelekne täşkil itmiäçäk. 2 töp sönni törkem ikese bergä 55 tawışqa, töp körd berlege 53 53 tawışqa iä bulaçaq. Elekke premyer ministr İyad Älläwineñ sekulyar isemlege 25 urın alaçaq. Qalğan urınnar törle keçkenäräk partiälärgä häm bäysez namzätlärgä birelä. Saylaw näticälären iğlan itü töp sönni partiälärneñ saylawlardağı xärämläşülär turındağı şikäyätlären öyrängän çit il tikşçerüçeläre törkeme xisabına äzer bulğançı kiçekterelep tordı. Ul xisapnı kiçä Ğiraq Saylawları öçen Xalıqara Missiä törkeme iğlan itte. Anda küpsanlı saylaw tärtiben bozular, xärämläşülär turında äytelä. Ämma qayber Sönni törkemnärneñ saylawlarnı yañadan ütkärü täqdime xuplanmıy.

XS
SM
MD
LG