Accessibility links

шимбә, 10 декабрь 2016, Казан вакыты 11:54

Kosovo prezidentı Rugova wafat buldı


Bügen üpkädäge yaman şeş awıruınnan Kosovo prezidentı İbrahim Rugova wafat buldı. Aña 61 yäş ide. Rugovanıñ matbuğat wäkile Muhamet Hamiti, prezident başqala Priştinada üz öyendä ülde, dip xäbär itte. Rugovada rak çire 2005nçe yılnıñ sintäberendä tabılğan ide. Prezident tämäkene küp tarta ide. İbrahim Rugova tarixqa 90nçı yıllarda albannarnıñ Sebiädän bäysezlek öçen tınıç yullar belän köräş xäräkäten citäklägän keşe bulıp kerep qalaçaq. Anıñ üleme Kosovonıñ yul çatında qalğan waqıtına turı kilde. Xäzerge waqıtta BMO kontrolendä bulğan Kosovonıñ bäysez bulu yäki Serbiä eçendä qalu turında söyläşülär başlanırğa tora. Rugova üze 2004nçe yılnıñ 23nçe üktäberendä, parlamentnıñ prezidentnı saylağan könendä, Kosovonıñ bäysezlegen yaqlap çığış yasağan ide:

"Bügenge kön – Kosovonıñ bäysezlegen tanu yulında böyek häm möhim kön. Bez – bäysez Kosovo, Yevropa Berlege häm NATO äğzase bulğan, Quşma Ştatlar belän dus bulğan Kosovonı küz aldıbızğa kiteräbez."

XS
SM
MD
LG