Accessibility links

Кайнар хәбәр

Peterburda xac tarixın öyränälär


Üzgärtep qoru başlanıp, çiklär açılğaç. Rusiä möselmannarına xacğa yörü mömkinçelege çığa Xacğa yörüneñ üzeneñ dä şaqtıy qızıqlı tarixı bar, häm ul tarix arxivlarda cıyılğan çığanaqlarda saqlanğan. Peterburgta yäşäwçe millättäşebez Al'mira Tahircanova berniçä yıl ğömeren menä şul materiallarnı öyränügä birgän. Al'mira xanım- Musa Bigineñ onığı, tanılğan şärıq belgeçe Abdraxman Tahircanovnıñ ulı Möxämmätneñ tormış iptäşe. Möxämmät üze - fizik, şärıq fännäre, islam tarixınnan şaqtıy yıraq. Anıñ qarawı, bolar barısı da Al'mirağa bik yaqın. Kilen qaynana tufrağınnan yaratıla, dilär bit, qaynata tufrağınnan da bula torğandır inde. Härxäldä, Al'mira xanım küp yıllar inde Peterburg möselmannarı tarixı belän şöğıllänä. Ul äzerlägän materiallar “Татарские новости” gäzitendä dä çığıp tora.

Al'mira xanım Tahircanova belän bügenge äñgämäbez Rusiä möselmannarınıñ xacğa yörü tarixına qağıla. (audio).

Üktäber inqilabınnan soñ yörülär tuqtap torğan. Peterburg mäçeten yañadan açqaç, 1956 yılda mäxälläneñ räise Xälim abzıy Şaxmamet'yev berençe tapqır xacğa cıyına. Anı Leningradnıñ Mäskäw vokzalında bik küp xalıq ozatıp qala. Qaytuın kötüçelär dä platformağa sıyarlıq bulmıy. Xäzer inde matdi mömkinçelege, sälämätlege bulğan härkem xac qılırğa xoquqlı. Tik barırğa teläwçеlär sanı soñğı yıllarda bik küp tügel. Bıyıl, mäsälän, Peterburgtan 10 keşe barğan, aralarında ber genä millättäşebez dä yuq.

Gölzadä Kamalova, Sankt-Peterburg.

XS
SM
MD
LG