Accessibility links

шимбә, 3 декабрь 2016, Казан вакыты 16:52

Jirinovski Kamal teatrı spektaklendä buldı


100 yäşen bıyıl bilgeläp ütärgä cıyınğan Qamal teatrı Tatarstannıñ yöze bulıp tora, respublika sänğäten şuña qarap ta bäyälilär. Älege danlıqlı teatr kollektivı yış bulmasa da, çit töbäklärgä gostrollärgä çıqqalıy. İke yılğa ber märtäbä Samara, Başqortostan yaqları urap qayta. Ä bu yäkşämbe dä genä, Qamal teatrı kollektivı Mäskäwdän qaytıp töşte. İnde distä yıldan artık Mäskäwdäge tatar tamaşaçısı tatarça spektakl'lär kürgäne bulmağan ikän. Säbäbe dä açıq- aqça bulmağan, tegendä monda çığıp yörergä. Aqçası tabılır da ide anıñ, qarawçı bulmas dip tä şiklänep torğannar. Çönki, 1998 yılda, marsel Sälimcanov Mäskäwgä ike spektakl' alıp barıp qarıy, tamaşaçılar cıyılmıy. Ä bıyılğısına, teatr kollektivı azraq qına qurqu belän barsa da, alarnı ul şaqqattırğan. Mäskäwneñ danlıqlı Malıy, yäğni MXAT teatrında 8 tatarça spektakl' kürsätelgän, ä Mäskäw tatarları zalda sigezendä dä şığrım tulğan bulğan. Qayber könnärdä, quldan bilet sorap yörüçelär dä şaqtıy bulğan. Gostrollär açılışında, Tatarstan räsmiläre belän berrättän, Rusiä mädäniät ministrı qatnaşu da, teatrnıñ Mäskäw säfäreneñ uñışın kürsätä.

Teatrnıñ Mäskäwdä uynalğan barlıq spektakl'lärendä Rusiä başqalasında çığuçı Tatarskie Novosti, tatar xäbärläre gäzitneñ baş möxärrir urınbasarı Aliä Sabirova küzätep bardı. Azatlıqqa ul şul xaqta söyli

Mäskäwdä suıqlar toruına qaramastan, xalıq teatrğa bik küp yörde. Qaysı könnärdä quldan bilet sorap yörüçelärdä buldı. Spektakl'lärne bik cılı qabul ittelär. Xalıq, alqışlar belän här qızıqlı mizgelne qarşı aldı. Spektakl'lär betkäç tä, pärdäne qat-qat açtırıp. Qul çaptılar. Mäskäwdä şundıy ğädät bar. Telsez küke, Äldermeştän Älmändär, Qara Çikmän spektakl'lären bik yarattılar

Aliä Sabirova xalıq spektakl'lärä bik küp yörde, zallarda alma töşärdäy urın yuq ide di.

Uzğan şimbä kiçendä, Qamal teatrınıñ Mäskäwdäge gostrolläre tantanalı räweştä yabılğan. Teatrnıñ vizit kartoçkası bulğan spektakl' - Äldermeştän Älmändär belän. Rusiä teatr sänğätendä dä soñı 30 yılda tuqtawsız, ber ük quyılışta baruçı mondıy başqa spektakl' yuq ikän. Aliä Sabirova, şuşı yabılu tantanası turında menä nilär söyli

Yabılu tantanasına Tatarstannan maxsus Tatarstan parlamentı räsie Färit Möxämmätşin, Tatarstan vitse-premyerı – mädäniät ministrı Zilä Wälieva kilgän ide. Rusiäneñ mädäniät häm kinemotografiä federal' agentlığı citäkçese Mixail Şvıydkoy, Mäskäw şähär duması räise şulay uq tantanada qatnaştılar.

Monnan tış, Rusiä Däwlät Duması vitse spikerı Vladimir Jirinovskiy da, üzeneñ fraksiäsendäge 7 deputatın iärtep kilgän ide. Tamaşaçılar moña şaqqattı. Alar, foyeda tübätäylär satıp aldılar, baştan –axırğaça şunı kiep utırdılar. Jirinovskiy çığış yasadı. Tatarlarnı xörmät itäm dip belderde. Qaysıdır idiot, min tatarlarnı kürälmi digän süz tarqatqan ide, bu yalğan dide. Zilä Wälievağa Jirinovskiy digän xuşbuy büläk itte, teatr artistlarına Jirinovskiy dip atalğan kon'yak tarattı

2006 yıl, Tatarstanda mädäniät häm sänğät yılı dip iğlan itelde. Monnan tış, tatar teatrına nigez salınuğa da 100 yıl bula. Moña qağılışlı çaralar Respublikada ğına tügel, tatarlar yäşägän başqa küp töbäklärdä dä uza. Qamal teatrı kollektivınıñ Mäskäw gostrolläre şunıñ ber öleşe bulıp tora.

Räfis Cämdixan

XS
SM
MD
LG