Accessibility links

дүшәмбе, 5 декабрь 2016, Казан вакыты 03:27

Kosovo Rugova belän xuşlaşa


Şimbä könne üpkäsendäge yaman şeş awıruınnan wafat bulğan Kosovo prezidentı İbrahim Rugovanıñ tabutı Priştinadağı parlament binasına quyılğan.Kosovovıñ bäysezlege öçen tırışsa da Serb xakimiätenä qarşı tınıç qarşılıq kürsätüne yaqlağan Rugovanıñ urınıñ kem alaçaq bilgele tügel. Säyäsi säxnädä Rugova qaldırğan buşlıqnı tutıru öçen alban politik partiäläre arasında köräş başlanu qurqınıçı bar

Fransiädä mäşhür Sorbon Universitetın tämamlağan ädäbiat profesorı İbrahim Rugova , Yugoslaviä citäkçese Slobodan Miloşeviç Kosovonıñ aftonomiäsen köçtän çığarğannnan soñ yäğni 1989dan başlap tınıç qarşılıq kürsätüneñ simvolenä äylängän şäxes.Alban bayrağı töslärendäge qara qızıl cifäk şarıfı haman muynında bulğan xälsez sıyfatlı İbraxim Rugova balkannnarnıñ gandisı digän quşamat belän yöretelde. Kosovo matäm tota.mennärçä keşe anıñ yäşägän yortı aldına çäçäklär quya, şämnär yandıra.Parlamentqa quyılğan tabutı aldınnaan aldağı könnärdä bik küp kosovolı ütäçäk dip kötelä.Priştinada beräw radiobız xabärçesenä

Bez anı sağınaçaqıbz, ul kosovo öçen bik küp eşläde ,aqıllı keşe ide, dönya anı belä ide

başqa berse

Kosovo öçen zur yuğaltu, albannar öçen zur yuğaltu här kem öçen zur yuğaltu

Rugova Kosovo öçen bigräk tä näzberek ber waqıttta ülde. Ölkäneñ sonğı statusı turındağı söyläşülär çärşämbe könne Venada başlanırğa tieş ide. BMO mäxsus wäkile Martti Ahtisaari belderüenä kürä söyläşülär fevral başına küçerelgän.Xalqınıñ 90%ın etnik albannar täşkil itkän Kosovo legal yaqtan qarağanda Serbiä-Çernogoriänıñ ber öleşe bulsa da ,NATOnıñ 1999 yılda Serbiä köçlärenä qarşı alıp barğan hava suğışı betkännän soñ ul BMO qaramağında tora.Ölkädä yäşäwçe albannar söyläşülär ölkägä tulı bäysezlek kiterer dip ömed itä.Rugova bäysezlek öçen yıllarça tırışsa da, Belgrad moña nıq qarşı çığıp kilde.Fevralgä kiçekterelgän söyläşülärdä Rugovanıñ urınıñ kem alaçaq yäki kem prezident bulaçaq bilgele tügel Xalıqara citäkçelär xalıqnı berdämlek häm tınıçlıqqa , Rugova yulınnan barırğa Kosovoğa tınıçlıq häm totrıqlılıq kiterergä çaqırdı. Ölkädä BMOnıñ yuğarı däräcädäge resmie Soren Jessen-Petersen

Prezident Ruğovanıñ tormış citäkçelek , qıyulığına qarata in zur xörmätne berdämlek belän kürsätä alabız.Barlıq watandaşlar, barlıq oyışmalar prezidentnıñ tınıçlıq häm totrıqlılıq bulğan küzallawı öçen bergäläp eşlärgä tieş.

Älegä ölkäneñ waqıtlı prezidentı wazıyfasın parlament citäkçese Nexcet Daci yöklängän. Kosovonıñ serb citäkçese Oliver İvanovic Rugova säyäsi säxnädä zur buşlıq qaldırdı, alban politik partiäläre arasında köräş başlayaçaq dip qurqam dide. Könbatış diplomatları da Kosovo öçen bik näzberek bulğan mizgeldä xakimiät köräşe başlıy ala digän borçılu belderelär İ.Rugova 26 ğıynuarda Priştinada kümeläçäk färidä xämit
XS
SM
MD
LG