Tanılğan törek yazuçısı Orhan Pamuknıñ advokatı Halük İnanıcı, yazuçığa qarşı cinäyät eşe tuqtatıldı, dip xäbär itte. Xökem eşe tuqtatıldı, başqa utırışlar bulmayaçaq. Pamuk, könbatış matbuğatına birgän äñgämäsendä berençe dönya suğışında Törkiä ärmännärgä qarşı genosid qıldı digän süzläre öçen Törkiäne mısqıl itüdä ğäyeplänä ide. Törkiä xökümäte, Ğosmanlı imperiäseneñ ärmännärgä genosid qıluın kire qağa. Yevropa Berlege, berlekkä kerergä telägän Törkiäne süz iregen qısuda ğäyepläp çıqtı. Berlekne kiñäytü öçen cawaplı komissiä başlığı Olli Rehn, İstanbul mäxkämäseneñ qararın xuplap çıqtı. Komissiäneñ matbuğat wäkile Amadeu Altafaj Tardio, Olli Rhen belderüen Brüsseldä uqıp birde:
"Min Törkiä mäxkämäse räsmiläreneñ Orhan Pamuknı cinäyät kodeksınıñ 301nçe maddäse nigezendä xökem itü eşen tuqtatu qararın xuplıym. Bu älbättä Pamuk äfände öçen yaxşı xäbär, ämma şulay uq bu Törkiädä süz irege öçen dä yaxşı xäbär."
Rhen şulay uq bügenge mäxkämä qararınıñ Törkiädäge başqa eşlärgä dä yoğıntı yasawına ömet belderde.
"Min Törkiä mäxkämäse räsmiläreneñ Orhan Pamuknı cinäyät kodeksınıñ 301nçe maddäse nigezendä xökem itü eşen tuqtatu qararın xuplıym. Bu älbättä Pamuk äfände öçen yaxşı xäbär, ämma şulay uq bu Törkiädä süz irege öçen dä yaxşı xäbär."
Rhen şulay uq bügenge mäxkämä qararınıñ Törkiädäge başqa eşlärgä dä yoğıntı yasawına ömet belderde.
