Accessibility links

дүшәмбе, 5 декабрь 2016, Казан вакыты 15:36

"Küzläw cäncalına" London borçılu belderde


Rusiä televideniäseneñ Mäskäwdä küzläw eşe belän şöğellängän Britaniä diplomatları turındağı xäbäre räsmi Londonnı "borçılu häm aptıraşta" qaldırdı, dip xäbär itelä. Yäkşämbe kiç kürsätelgän tapşıruda britan agentları Mäskäw parkında taşqa küzläw cihazların urnaştırğan bulğan dip söylände. Federal İminlek Xezmäte wäkilläre, Britaniäneñ Rusiädäge ilçelegennän 4 keşe häm ber Rusiä watandaşı yäşeren mäğlümatlärne şul cihaz yärdämendä tapşırıp barğan dip söyläde tapşıruda. Yäşeren kamera belän töşerelgän tasmada – keşelärneñ şul taş yanına baruları kürsätelde. Tapşıruda Rusiä watandaşı qulğa alınğan, dip äytelde. Ber ilçelek xezmätkäre Rusiädä xökümättän böysez ber oyışmağa daimi räweştä aqça birep torğan, dielde. Mäskäw Helsinki törkeme başlığı Lyudmila Alekseyeva, Azatlıq radiosına birgän äñgämäsendä älege cäncalnı "falsifikasiä" dip atadı:

"Añlawımça, biredä cämäğätçelek fikeren – keşe xoquqları oyışmaların, Rusiädäge sivil cämğiätneñ iñ äwzem häm bäysez öleşenä höcümgä äzerläw maqsatı quyıla."

Britaniäneñ tışqı eşlär ministrlığı borçılu belderde, ämma wazğiätkä añlatmalar birüdän baş tarttı.

XS
SM
MD
LG