Britaniä premyer-ministrı Tony Blair, İran "çit illärdäge terrornı yaqlawın tuqtatırğa tieş", dip belderde. İrannıñ atom programması tiräsendä nizaq çişelmägän kileş qala. İran, atom texnoligiälären tınıç maqsatlarda tärräqi itüen belderä. AQŞ, Britaniä, Fransiä, Germaniä häm İzrail İrannıñ atom qoralı citeşterä aluına borçıla.
Xalıqara Atom Energiäse İdaräse 2 fivral könne çirattantış utırışına cıyılaçaq. İran xökümäte – yanawlarğa borçılmawın belderde. İrannıñ atom eşläre mäsäläsendäge töp aradaşçısı Ali Larijani sişämbe könne Mäskäwdä Rusiä İminlek Şurası başlığı İgor İvanov häm başqa yuğarı räsmi wäkillär belän oçraşaçaq.
