Accessibility links

җомга, 9 декабрь 2016, Казан вакыты 05:09

Tatar teatrınıñ 100 yıllığına Rus akademiä häm Yäş tamaşaçılar teatrı da äzerlänä


Tatar teatrı oyışuğa bıyıl 100 yıl tulsa da, K. Tinçurin häm Tatar yäş tamaşaçılar teatrınnan matbuğat oçraşuında berkem dä çaqırılmağan ide. Anıñ qarawı rus teatrı wäkilläre tatarlarğa xezmät itärgä äzer buluları turında bik tırışıp söylädelär. Kaçalov teatrı baş rejisserı Aleksandr Slavutskiy tatar tormışın böten neçkälekläre belän çağıldırğan rus telendä yaxşı p'yesa täqdim itsälär üz teatrında hiç uylamıyça quyaçağın äytte. Qazan yäş tamaşaçılar teatrınıñ ädäbiät häm sänğät bülege citäkçese Yılena Akimova inde un yıl buyı “Qırlay awılı qızı Aysılu” spektakle baruın häm xalıqnıñ älege spektakl'ne bik yaratıp qarawın assızıqladı. Uñayın turı kiterep spektakl'neñ dekoratsiäsen yañartırğa kiräklegenä basım yasadı. Tatar teatrınıñ yubiley bulğaç bälki kire qaqmaslardır dip TR Mädäniät ministrlığınnan aqça bülep birüne dä soradı. Moña qarşı Slavutskiy beraz ğäcäplänü belderde. Aqça bit barısına da kiräk. Kaçalov teatrı rejisserı teatrdağı salqınlıqtan, artistlarnıñ xezmät xaqınıñ tübän – 4 meñ buluınnan zarlandı. 80 million sum bülep birgännär ide, yalğışqanbız dip anıñ 60 millionın G. Qamal teatrına dip kire aldılar. 20 millionğa närsä eşläp bula inde, bezneñ şul aqçağa isäpläp böten proyektlar eşlängän ide dip açındı ul. Şulay itep Qamal teatrı Kaçalovnıñ ikmägen talap alğan digän xis tudı matbuğat oçraşuında.

Elekke Qazan merı Qamil İsxakovqa da eläkte. Kaçalov teatrı cirlegenä kerep resoran tözette dip suqrandı A. Slavutskiy.

Yaña programmağa kilgändä Kaçalov teatrı rejisserı Aleksandr Slavutskiy Röstäm Abyazov belän G. Tuqay tärcemälärenä muzıykal' kompozitsiä eşläyäçägen bilgeläp uzdı.

G. Qamal teatrınıñ bülek citäkçese İnsaf Xämitov bıyıl teatrda bulaçaq yañalıqlar belän tanıştırdı. Cäy aylarında teatr gastrol' belän Qazaqstanğa cıyına, ä 2006 yılnıñ dekaber ayında 100 yıllıq uñayınnan Qazanda barlıq tatar teatrları festivale uzaçaq. Şulay uq İnsaf Xämitov yaña spektakl'lär belän tanıştırdı – mart ayında tamaşaçılar säxnädän Anton Çexov äsäre buyınça “Öç señel” spektaklen qarıy alaçaq. Monnan tış Mäxmüt Ğalläuneñ “Möhacirlär” äsäre buyınça Färit Bikçäntäyevneñ spektakle äzerlänä. “Yaña tatar p'yesası” bäygesendä qatnaşuçılarnıñ da uñışlı spektakl'läre bulırğa mömkin. Bıyıl bäygegä 40 p'yesa täqdim itelgän. Alarnıñ ciñüçeläre teatr könendä – 27 martta bilgele bulaçaq.

Şulay uq tatar teatrınıñ 100 yıllığına iñ yaxşı emblema yasawçığa da bäyge iğlan itelgän. Berençe urınnı alğan keşegä 20 meñ sum qaralğan.

G. Qamal teatrı artistları M. Cälilneñ 100 yıllığı uñayınnan Orenburgqa häm tatar teatrına nigez saluçı Ğabdulla Karievnıñ tuğan yağı Nurlat rayonına cıyınuların assızıqladı matbuğat oçraşuında.

Landış Xarrasova.

XS
SM
MD
LG