Accessibility links

Кайнар хәбәр

Yevropada salqınnar däwam itä


Moldova räsmiläre belderüençä, soñğı 5 köndä kimendä 13 keşe öşep ülgän, 30dan artığı xastaxanägä salınğan. Ğädättäntış xällär räsmie Mihai Josan, ülüçelärneñ küpçelege – isereklär häm suqbaylar ide, dip belderde. Xastaxanägä salınğan ike keşeneñ ayaqların öşüdän kisergä mäcbür bulğannar. Uzğan töndä Moldovada 30 däräcä salqın bulğan, mondıy suıqlarnıñ bu yaqlarda 1963nçe yıldan birle bulğanı yuq. Yevropa illäreneñ qayberlärendä uzğan töndä hawa –36ğa töşte. Ber täwlek eçendä Polşada 11, Romaniädä 10 keşe tuñıp ülde. Ukrainada bu san – 26 dip xäbär itelä. Su torbaları şartlaw, elektr çıbıqlarında qazalar, yul faciğäläre arttı. Mondıy hawa torışı Üzäk Yevropa illärendä kim digändä pänceşämbegä qädär däwam iter dip farazlana.
XS
SM
MD
LG