Accessibility links

пәнҗешәмбе, 8 декабрь 2016, Казан вакыты 17:13

Yevropada yäşeren törmälär tabılmağan


Yevropada Üzäk Küzläw İdaräse CİAnıñ yäşeren törmälären ezlägän Yevropa komissiäse, mondıy törmälärneñ buluına dälillär tabılmadı, dip belderde. Komissiä başlığı Şvesiä senatorı Dick Marty Yevropa Şurasına, tikşerüne däwam itergä kiräk, dip belderde:

"Törmälär buluına yuridik dälillär yuq, şulay uq cirle räsmilärgä mäğlüm bulğan nindi dä bulsa totqarlaw üzäkläre buluına da dälillär yuq. Şulay da bu yünäleştä bik küp işärä bar, alar tikşerü eşen däwam itü kiräklegenä dälil bulıp tora."

Noyaber ayında amerikan agentları Al Qaida äğzase buluda şiklänelgän totqınarnı Könçığış Yevropadağı törmälärdä tota, digän ğäyepläwlär bulğan ide. Şunnan soñ Yevropa Şurası üz tikşerüen başladı. New Yorkta urnaşqan Human Rights Watch oyışması, mondıy törmälärneñ Romaniä häm Polşada bulu ixtimalı turında beldergän ide. Bu illär ikese dä eşkä qatnaşı buluların kire qaqtı. Yäşeren törmälär Yevropadağı keşe xoquqları qanunnarın bozır ide.

XS
SM
MD
LG