Accessibility links

сишәмбе, 6 декабрь 2016, Казан вакыты 19:16

İranda şartlawlar: 6 keşe häläk buldı


İran räsmiläre süzlärenä qarağanda bügen ilneñ könyaqkönbatışındağı Ahwaz şähärendä şartlawlarda 6 keşe häläk bulğan, kimendä 40 keşe yaralanğan. Ber bomba bank qarşında, ikençese tabiği baylıqlar ministrlığı qarşında şartladı. Höcümnär öçen cawaplılıqnı ber kem dä üz östenä almadı. Şartlawlar turında İran polisiäse ofiserı polkovnik Salehi däwlät televideniäsendä iğlan itte: "Qızğanıçqa qarşı, bezgä, Ahwazdağı şartlawlarda Kianpars bistäsendä 6 keşe häläk buldı häm 15 keşe yaralandı, dip xäbär ittelär. Ministrlıq qarşındağı Gölistan yulında tağın 9 ahwazi yaralanğan. Tikşerüdän soñ, bombalarnıñ qıypılçıqsız bulğanı açıqlandı." İrannıñ räsmi İRNA mäğlümat agentlığı prezident Ähmädinecad, Ahwazğa planlaştırılğan säfären, tsitat "qatı yañğır" säbäple kiçektergän, dip xäbär itte. Ara tirä Ahwazda ğäräplär arasında köç qullanu bulıp tora. Üktäber ayında bulğan şartlawlarda berniçä keşe häläk bulğan ide.

XS
SM
MD
LG