Accessibility links

шимбә, 10 декабрь 2016, Казан вакыты 23:42

450 yıllııq çaraları Peterburda başlana


2007 yılda başqortlarnıñ üz teläge belän Rusiägä quşılularına 450 yıl tula. Şul uñaydan Başqortstannıñ üzendä dä, başqortlar yäşägän bütän töbäklärdä dä gomumrusiä bäyräm çaraları uzaçaq. Bäyräm 2 fevraldä Peterburgta başlanıp kitäçäk. İnde 31 ğinwarda uq Peterburgta Rafael Baydäülätov citäkçelegendäge räsmi delegatsiä kötelä. Delegatsiä sostavına 15 däwlät eşleklese kerä, monnan tış yözdän artıq sänğät''kär, mädäniät xezmätkärläre dä kiläçäk.

Bäyräm qısalarında kürgäzmälär, konsert programmaları planlaştırılgan. 2 fevraldä Rus sänğäte muzeyında (Stroganov sarayında) Ufanıñ Mixail Nesterov isemendäge muzeynıñ tanılğan, iñ zur ähämiätkä iä sänğät äsärlären kürsätäçäk. Äytergä kiräk, Rus muzeyında regional'' muzey kürgäzmäse berençe tapqır. Mondıy xälneñ äle bulğanı yuq ide, ğädättä, kiresençä, Rus muzeyı kürgäzmä belän provinsiägä bara ide.

Etnografiä muzeyında da "Başqort milli kiemnäre" digän masştablı kürgäzmä eşläyäçäk.

Şul uq könne, 2 fevral''dä, Başqort qorıltayınıñ "Yevropa illäre,Rusiäneñ tön''yaq-könbatış" bülegeneñ utırışı bulaçaq. Belosel''skiy-Belozerskiylar sarayında. Anda Finlyandiä, Almaniä, elekke Baltıyq buyı respublikalarınnan delegatlar kötelä .

Bulaçaq çaralar turında Başqortstan respublikasınıñ Peterburgtağı daimi wäkile Salawat äfände Gömärov belän äñgämä täqdim itäbez(audio)Äñgämädän sez ni öçen start şähäre itep Peterburgnı saylağannar, ütkäreläçäk çaralarnıñ Peterburg başqortları öçen genäme ikänen, daimi wäkil Salawat Gömärovneñ tatar- başqort probleması turındağı fikeren belä alasız. Äñgämä başta rus telendä barsa, soñınnan tatar telenä küçep bette.

Qorıltayda süz tuğan telne saqlaw, şähärlärdä yäşäwçe başqortlarnıñ bügenge problemaları, çit möxitta yäşäw üzençälekläre turında baraçaq.

Gölzadä Kamalova, Sankt-Peterburg

XS
SM
MD
LG