Accessibility links

дүшәмбе, 5 декабрь 2016, Казан вакыты 19:43

2005 yılda 6 meñ ğailä sotsial ipoteka yärdämendä fatirlı bulğan


Sişämbe könne Tatarstan Prezidentı qarşındağı Däwlät toraq fondı Xäyriäçelär Şurasınıñ utırışı uzdı. TR Prezidentı Mintimer Şäymiev respublika rayonnarı, oyışma citäkçelären cıyıp çirattağı tapqır beraz qızdırıp aldı. Bu ölkädä sülpänlek kürsätkän citäkçelärdän xätta bastırıp soraw aldı. Kiläçäktä berkemgä dä yaqlaw bulmayaçağın, ä kiresençä taläplären artaçağın assızıqladı.

Çınnan da toraq mä’säläse bügenge köndä respublikada iñ çeterekle problemalarnıñ berse bulıp qala. Ayıruça respublikanıñ zur şähärlärendä. Fatirlı bulırğa tezläwçelär sanı könnän-kön arta. Buşlay fatirğa ömet itmäsälär dä, kübese anı tübän bäyädän alu yağın qarıy. Mömkinlege bulğannar fatirnı satıp ala, xäzer respublikada yözlägän firmalar bu ölkädä şöğellänä. Ä tübän xezmät xaqı alıp eşläwçelär barı sotsial' ipotekağa ğına ömet tota.

Uzğan yıl başında ipoteka turında süz çıqqaç xalıqnıñ kübese monıñ qayçandır tormışqa aşaçağına şiklänü beldergän ide. Şuña da karamastan 2005 yılnı barlığı 6 meñ ğailä sotsial' ipoteka yärdämendä fatirlı bulğan.

Bilgele toraq tözü öçen şaqtıy ğına aqçalar kiräk. Böten problema şunnan başlana da inde. Prezident Mintimer Şäymiev ta, Premyer ministr Röstäm Miñnexanov ta härdaim oyışma citäkçelärenä toraq tözeleşenä totılaçaq kertemneñ waqıtında birelergä tieşlege turında kisätülär yasap kilälär. Şura utırışında da aqça küçermäwçe şirqat'lärgä şeltä belderelde. Tatarstan Prezidentı qarşındağı Däwlät toraq fondı başqarma direktorı Tälğät Abdullin 2005 yılğa xisap yasap niqädär aqça kergänenä tuqtaldı

2005 yıl başqa yıllar belän çağıştırğanda ciñel bulmadı. Uzğan yılda sotsial' ipotekağa 1382 oyışma 3 mililard 754 million sum külämendä kertem kertte. Bu kötelgännän 754 millionğa artığraq buldı. Keremneñ 80 protsenttan kübräge “Tatneft'“ häm başqa keçe neft' häm neft' ximiäse kompaniälärenä turı kilde.

Toraq tözü öçen yaña mäydannar kiräk buluı turında da süz buldı Şura utırışında. Moña TR Prezidentı ayıruça basım yasadı

Mäydannarnı äzerläw häm alarnı kommunikatsiälär belän tä'min itü zarur. Niçek, kemnär xisabına häm küpme ikänne xisaplarğa kiräk. Monıñ buyınça Rusiädä eş bara. Törle yullar täqdmi itelä. Çönki bu mäs'älä bezdä genä tügel ä Rusiädä şaqtıy aktual' bulıp qala.

Şura utırışında Prezident sotsial' ipoteka tözeleşenä ğariza kermägän rayon munitsipal' berämlekläre başlıqlarına da şeltä belderde. Ayıruça Ägerce, Apas häm Çüpräle başlıqlarına eläkte.

Landış Xararsova.

XS
SM
MD
LG