Accessibility links

пәнҗешәмбе, 8 декабрь 2016, Казан вакыты 05:17

Qazanda Student bäyräme ütte


Yaña yıl şikelle studentlar bäyrämeneñ nigezendä dä pravoslav dine, anıñ traditsiäläre yatsa da, studentlar köne böten ildä bilgeläp ütelä. 25 ğinwar yäğni izge Tat'yana köne studentlar öçen iñ äwäl imtixannar tämamlanu, kötelgän yallar kilü belän bäyle. Bigräk tä berençe kurs şäkertläre öçen. Alar üzläreneñ iñ berençe sessiälären kiçerep studentlar bulıp qalsa, bu çın-çınlap bäxet inde. 3-4 kurslarda studentlar arasında duslıq, mäxäbbät xisläre köçäyä, yaña plannar tua. Häm inde bu çorda hönäri bäyräm dä üzençä ähämiätle häm qızıqlı bula.

Studentlar könendä Tatarstan Kirmänendä uquda ayıruça zur uñışlarğa ireşkän studentlar prezident isemendäge büläk aldı. Aspirantlarğa 9 meñ, yuğarı uqu yortı studentları 7,2 meñ, urta belem alu yortlarında uquçılar 3,6 meñ sum külämendä stipendiä alu bäxetenä ireşte. Respublikanıñ berençe studentların prezident M.Şäymiev qotlap, alarğa tanıqlıq tapşırdı.

Bu könne student xalqı öçen “Sentr klubnoy jizni”, “Bumerang” kebek tönge klublarda zur konsert programmaları da oyıştırıla. Tatarstanda yäşäwçe 300 meñ student hönäri bäyrämen niçek ütkärergä cıyına ikän? Ğomumän cıyına mikän? Bügen alarnı närsä borçıy? Bu soraw belän Qazannıñ Ğor'ki häm Kreml' uramnarında, universitetta oçrağan studentlarğa möräcäğät ittek.

Älege niçek bäyräm itäçägemne belmim. Ämma kiç duslar belän cıyılışıp, älbättä, studentlar könen ütkärerbez. Stipendiälär belän problemalar yuq bezdä. Stipendiälär kütärelä, Allağa şöker. Fakul'tet eşçänlegendä aktiv qatnaşsañ, törle premiälär dä birelä. Äle min bişençe kursta belem alam häm minem öçen bügen töp problema ul eş tabu. Minem öçen bügenge kön bik ähämiätle. Çönki waqıtında zaçetnı birä almadım. Ä bügen inde tağın ber tapqır üzemne sınap qarıym. Universitettan quarlar dip borçılam, bügenge zaçettan küp närsä tora. Ä anı tapşırğaç, bäyräm itäm! Ämma xämerdän başqa, çönki ul ağu. Nindi bäyräm, imtixan biräse bar! Bäyräm qayğısı tügel äle mindä.

Bu Qazanda uquçı studentlarnıñ fikerläre ide. Nigezdä küpçelek studentlar bu könne yal itsä, çittän torıp uquçılar öçen uqunıñ iñ qızğan çağı. Şunlıqtan bäyräm dip älläni isläre kitmi.

Tat'yana könendä Tatarstan studentlarına ber şatlıqlı xäbär dä kilep ireşte. Kiläse yıldan respublika studentların belemne kütärü öçen çit illäreneñ yuğarı uqu yortlarına cibärä başlıylar ikän. Respublika xökümäte däräcäsendä qabul itelgän älege qararnı tormışqa aşıru öçen berençe waqıtqa 100mln. sum aqça da qaralğan. Bu xaqta Tatarstan prezidentı studentlar könendä Kreml'dä student häm aspirantlar belän oçraşuda xäbär itte.

Al'bina Zäynulla

XS
SM
MD
LG