Accessibility links

чәршәмбе, 7 декабрь 2016, Казан вакыты 13:42

Gruziä ütkärgeçne tözätergä aşıqtıra


Tiflis -- Gruziä prezidentı Mixail Saakaşvili gaz ütkärgeçen tözätü eşläreneñ aqırın baruına rizasızlıq belderde häm Rusiäne bu eşkä Gruziä belgeçlären dä cälep itergä çaqırdı. "Rusiä yağı ütkärgeç kiçä äzer bulaçaq digän ide, xäzer östämä waqıt kiräk di. Şul uq waqıtta bezneñ belgeçlär yaqın kiterelmi. Bez Rusiägä qabat bezneñ belgeçlärneñ yrdämen täqdim itäbez," di Gruziä prezidentı. Uzğan yäkşämbe bulğan 2 şartlaw näticäsendä Mozdok-Tiflis ütkärgeçenä zıyan kilde. Näticädä Gruziä belän Ärmanstanğa gaz quu tuqtatıldı. Gruziä monıñ öçen Rusiäne ğäyepläde. Mäskäw ğäyepläwlärne kire qaqtı häm tikşerü ütkäräçägen belderde. Tözätü eşlären Gazprom qaramağındağı Kavkaz-trans-gaz şirkäte alıp bara. Citäkçe urınbasarı İgor Tkaçenko kiçekterü säbäplären torbadağı yarıqlar belän añlattı.

XS
SM
MD
LG