Kiev -- Ukraina premier-ministrı Yuri Yexanurov Rusiä belän gaz kileşüen imzalaw qabat kiçekterelä, dip belderde. Bu turıda ul bügen xökümät utırışında äytte. İmzalaw bügengä bilgelängän ide. Yexanurov süzlärençä, ike ilneñ belgeçläre kileşü şartların tikşerüen däwam itä. Berençe tapqır imzalaw 21 Ğinwarda bulası ide. Älege kileşü Ukrainada küp tänqitlärgä säbäp buldı. Ğinwarnıñ 10nda deputatlar xättä xökümätne çitlätü turında qarar qabul itte. Kileşü nigezendä Ukraina Rusiä gazı öçen 2 tapqır kübräk aqça tülärgä tieş bulaçaq.
