Accessibility links

Кайнар хәбәр

İzrail häm AQŞ Hamas säyäsäten üzgärtmi


İzrail premyer-ministrı wazifasın waqıtlıça başqaruçı Ehud Olmert, İzrail, küpçelekne Hamas täşkil itkän fälestin xökümäten qabul itä almıy, dip belderde. Ämma Yevropa Berlegeneñ tışqı mönäsäbätlär komissionerı Benita Ferrero-Waldner, Yevropa Berlege, Yaqın Könçığış nizağına tınıç çişeleş ezlägän här törle fälestin xökümäte belän eşlärgä äzer bulğannarın äytte. Waşingtonda mabuğat oçraşuında AQŞ prezidentı George Bush, Hamas İzrailgö qarşı köç qullanudan baş tartmasa, Quşma Ştatlar andıy xökümät belän xezmättäşlek itmäyäçäk, dip belderde. Yaqın Könçığıştağı Rusiä wäkile Alexander Kalugin, Hamasnıñ ciñüe – Rusiä öçen zur ayırma tügel, Mäskäw fälestin xakimiätläre belän xezmättäşlekne däwam itäçäk, dide. İran tışqı eşlär ministrlığınıñ matbuğat wäkile Hamid Reza Asefi, fälestinnärneñ İzrail okkupasiäsenä qarşı xäräkätne saylawları öçen fälestinnärgä xuplaw belderde. Tawış birüdä saylawçılarnıñ 70%tı qatnaşqan. Räsmi näticälär bügen iğlan itelä.
XS
SM
MD
LG