İrannıñ könyaqkönbatışındağı Ahwaz şähärendä sişämbe könne bulğan şartlawlarda häläk bulğannarnı bügen cirlägän waqıtta Britaniägä qarşı şiğärlär yañğradı. Räsmilär 24 ğinwar sişämbe könne 8 keşeneñ ülemenä häm 46 keşeneñ yaralanuına kitergän xökümät häm bank qarşında yañğrağan şartlawlar öçen Britaniäne ğäyepläde. Britaniä höcümnärgä qatnaşın kire qaqtı. Şartlawlar öçen cawaplılıqnı üz östenä İrannıñ ğäräp azçılığı aldı, bu xaqta belderü internet säxifäsendä çıqtı. Anıñ döres bulu-bulmawın tikşerep bulmıy. Ütkän yılda Ahwazda köç qullanu küzätelgän ide, alar arasında april ayında millätara bäreleşlär häm yün ayında prezident saylawları aldınnan şartlawlar yañğrağan ide. Üktäber ayında ber ber artlı ike bomba şartlap 6 keşe häläk buldı, 100gä yaqını yaralandı. Şulay uq soñğı aylarda töbäklärdäge neftütkärgeçlärenä dä ziyan kilde.
