Accessibility links

якшәмбе, 11 декабрь 2016, Казан вакыты 07:22

Belarus räsmilärenä qarşı xalıqara çikläwlär


Yevropa Şurasınıñ Parlamentar Assambleyası bügenge utırışta Belarus prezidentı Aleksander Lukaşenkanıñ avtoritar rejimın xalıqara izolyasiädä qaldırıp ilneñ demokratik oppozisiäsen yaqlarğa çaqırdı. Assambleya äğzaları 19 martta ütäçäk prezident saylawları aldınnan Belarustağı keşe xoquqları torışı turında fiker alıştı häm rezolüsiä qabul itte. Rezolüsiädä Yevropa Şurasına, yuğarı däräcäle Belarus räsmilärenä çit ilgä çığu vizaların birüne çiklärgä, Lukaşenka häm anıñ yaqın yardämçeläreneñ çit illärdäge bank xisapların tuñdırırğa çaqıru bar. Assambleyağa möräcäğät itep, oppozisiä yulbaşçısı Alyaksandr Milinkevich, "bügenge köndä Belarusta demokratiä yuq", dip belderde:

"Räsmilärne täñqitläw – däwlätkä qarşı ğämäl sanalğan wazğiättä saylawlar irekle bula alamı? Bu yılnıñ ğinwarınnan birle mondıy ğämäl – cinäyät sanala. Bäysez radio häm televideniä bulmağan ildä saylawlar irekle bula alamı?"

Belarus parlamentınıñ tübän palatası başlığı Uladimir Kanaplyou, Belarusta tösle inqilap bulmayaçaq, dip belderde.

XS
SM
MD
LG