Accessibility links

дүшәмбе, 5 декабрь 2016, Казан вакыты 07:40

Tatarstan Cämäğät palatası eşli başladı


Comğa könne Qazan kirmänendä Tatarstannıñ Cämäğät palatası utırışı uzdı. Berençe cıyılışı bu, xalıq fikeren citkerüçe orğannıñ. Älege utırışta Mintimer Şäymiev ta, parlament başlığı Färit Möxämmätşin da qatnaştı. Cämäğät palatası digän äyber – respublika tormışı öçen yañalıq. Ul Tatarstandağı törle ictimaği oyışma wäkillärennän tora. Palataınıñ yartısı Prezident bilgeli.yu Maqsatın isä, byurokratlaşıp betkän xökümät, şulay uq matur söyläp cılı känäfigä utırğan deputatlar häm xalıq arasında ber söyläşü, añlaşu urını itep kürsätelä. Cämäğät palatası, barı tik matur-matur, kiräkle dip tapqan kiñäşlär genä birep utırala türälärgä. Artığı yuq. Xalıq fikere şuşı cämäğät palatası aşa barıp citeşergä tieş, türälärgä.

Tatarstan prezidentı, açılışta çığış Yasap, elek, xökümät röxsätennän genä başqa oyışqan, al’ternativ cämäğät palatasına qarata da fikeren äytte. Ul oyışırğa ölgermi tarqaldı dip belderde. Respublika räsmiläre, qayber oppozitsiädäge oyışmalar tarafınnan oyıştırılğan bu ictimaği palatanı bik önäp betermilär ide. Xäzer isä, üzläre oyıştırdı. Döres, Tatarstan da ğına tügel, Rusiädä dä bar cämäğät palatası. Anısında da Tatarstannıñ ber wäkile bar.

Palata nindi xalıq fikeren niçek itep citkedre, aldağı könnär kürsäter.

Respublika parlamentı Putinğa möräcäğät itä

Ä xalıq tarafınnan saylanğan Tatarstan deputatları isä, uzğan sessiälärendä Rusiä prezidentı putinğa möräcäğät yulladılar. Älege möräcäğättä, süz, rusiädä millätara, dinara talaşlarğa säbäp bulırlıq nizağlar bulıp torğanlığı xaqında. Yähüd, kavkaz, şulay uq qayber töbäklärdä tatarlarğa qarata bulğan nizağlar küp millätle dip atalğan Rusiä däwläten ber niçektä bizämi, qatıraq bu mä’sälägä alınırğa kiräk - qısqası möräcäğätneñ eçtälege şunnan ğibärät. Yarıy, tayaqnıñ qalın başı tağın şul uq xalıqlarğa töşmäsä inde. Möräcäğätlär genä yazarsıñ ul anısı.

Tatarstan araqısız qalırmı?

Araqı turında däwam itäbez. Tatarstan üzendä citeştergän araqısız qaluı ixtmal. Respublikada isertkeç citeşterüçe iñ zur şirkät Tatspirtpromnıñ kommersiä mä’säläläre buyınça direktor urınbasarı Firdäwes Kaşina, bu könnärdä şulay dip belderde. Säbäbe bilgele. Rusiädä araqığa yaña aksiz markaları kertelde. Yaña yıldan başlap araqı şular belän çığarğa tieş ide. Ä ul aksiz markaları äle haman da respublikağa qaytıp citälmi ikän. Ansız araqı şeşälärgä tutırılmıy.

Respublikanıñ alkogol' buyınça däwlät inspeksiäse isä, fevral’dän barısı da äybät bulaçaq dip belderde. Yaña markalar qaytqan, tik andağı üzgäreşlärne genä öyränäse bar ikän.

Tatspirtpromnıñ analitik bülege citäkçese Dmitriy Zuyev isä, ber ay buyına araqı çığarmıy toru, şirkät öçen millionlağan zıyan saldı dip belderde.

Niçek kenä bulmasın bu şaytan suına respublikada defitsit yuq.

Räfis Cämdixan

XS
SM
MD
LG