Accessibility links

җомга, 9 декабрь 2016, Казан вакыты 18:33

Yaqın Könçığış: Hamas ciñüenä qarata dönya citäkçeläre närsä äytä?


25nçe ğynuarda fälästin territoriälärendä ütkän häm suğışçan Hamas törkemeneñ ciñüe belän tämamlanğan parlament saylawlarına qarata Dönya citäkçeläreneñ reaksiäse däwam itä. İslamçı suğışçan törkem parlamenttağı 132 urınnıñ 76sın Y.Arafatnıñ al Fatax xäräkäte isä 43 urın alğan. Bu inde yaña xökümätne Hamas oyıştıraçaq digän süz. Hamas İzraelneñ yäşäw xoquqın kire qaqqan kebek tınıçlıq protsesına da qarşı çığa.

İzrael Hamas xäräkätenä terror oyışması dip qarıy häm anıñ qatnaşqan xökümät belän söyläşüne kire qağa. İzraeldä opozitsiädäge Likud Partiäse citäkçese Benjamin Netanyahu atnakiçtä bolay dip äytte:

Kiläçäktä İzraeldä Fälästin cirlärendä balalarızhäm alarnıñ varisläreneñ tınıçlıqta yäşäwe öçen Hamas tuqtatılırğa tieş. İzraelneñ çikläre yaxşı saqlanırğa tieş. Fälästin xalqına, terror häm İzraelne yuq itü säyäsätennen vazkiçegez dip belderelärgä tieş. Alar şulay eşläsä, tınıçlıq xökem söröçäk, eşlämäsä İzrael üzen saqlarğa mäcbür bulaçaq

AQŞları häm Yevropa Berlege Hamas-qa terror oyışması dip qarıy häm anıñ ciñep çığuına borçılu belderä.Britaniä premyere T.Blair atnakiçtä,bez Hamasnıñ mandatın tanibız, çönki fälästin xalqı üz fikeren belderde. Ämma Hamas bu köçle mizgelendä demokratiä yäki köç qullanu suqmağı turında qarar birergä tieşlegen añlarğa tieş dip söyläde. AQŞ prezidentı G. Bush ta şunduyuq reaksiä kürsätte.

Yevropa häm AQŞ räsmiläre elegeräk ägär dä Hamas yaña fälästin xökümäteneñ ber öleşe bulırğa teli ikän, ul İzraelne cimerü ideasınnan vaz kiçergä tieş dip äytkän ide. Bu inde törkem fikren üzgärtmäsä könbatış illäreneñ Fälästin administratsiäse belän eş itmiyäçägen añlata.

Älegäçä Hamas könbatış reaksiäsenä borçıluın ber dä kürsätmäde .Hamasnıñ ölkän citäkçese Mäxmud al-Zahar atnakiçtä Gaza şährendä Reuters-qa birgän ängämädä,

Bez ber kem belän söyläşergä cıyınmıybız. Ämma beräw bezne tıñlarğa , bezneñ mönäsäbätne , tendensiäne añlarğa teli ikän bez här kemgä añlatırğa äzer .

Şulay da al Zahar ängämä waqıtında Hamas başqa fälästin partiäläre citäkçeläre belän xökümät oyıştıru mäsäläsendä bögülüçänräk mönäsäbät kürsätäçäk dip işarä itte. Al Zahar

Bez prezident M.Abbas belän şäxsän elemtägä keräçäkbez. Yaña parlamenttağı barlıq firqalar şulayuq fälästin cämğiätendäge ğailä häm ğalimnär belän elemtälärebezne yañadan oyıştırıp elek cimerelgännärne tözekländerergä tırışaçaqbız dip söyläde.

Ämma Hamas İzrael belän söyläşülärne yaqlağan häm alıp barğan M.Abbas kebek citäkçelär belän närsä bulaçaq ber närsä dä äytmäde.Fälästinnärneñ başqa säyäsi firqaları, misal öçen koalitsion xökümättä xezmätäşlek itügä almaşqa Hamasnıñ tınıçılıq protsesına qarata pozitsiäsen yomşartuın taläp itäçäklären älegä işarä itmädelär. Prezident M.Abbas qına yaña xökümät aldında qıyınlıqlar bula ala dide

Yaña xökümät dönya ışanıçın qazanu , Könbatış Üzänendäge okupatsiägä qarşı toru , törmädä utıruçlarnı irekkä çığaru häm başqalası Yerusalem bulğan bäysez Fälästin däwläten oyıştıru öçen nığıraq eşlärgä tieş bulaçaq Hamasnıñ ciñüenä qaramastan prezident M.Abbas İzrael belän tınıçlıq söyläşülären alıp baru yöklämäsen rasladı . färidä xämit
XS
SM
MD
LG