Accessibility links

якшәмбе, 11 декабрь 2016, Казан вакыты 03:36

Qazan maşina yörtüçeläreneñ oçraşu urını - www.autokazan.ru


İnternet närsä ul digän sorawğa, ğadi itep, millionlağan keşelär belän elemtägä kerü mömkinlege ul dip cawap birep bulır ide. Salqınnar torğanda, dönya kompyuter çeltärendä aralaşqan keşelär ber bersenä, «salqınnarnı niçek kiçeräsez?», digän soraw belän bergä, «maşinanı niçek qabızasız?» digäne dä yış yañğıradı. «Rossiyskaya gazeta» digän basma yazğança, avtomobilçelär internetta iñ berdäm, ber bersenä iñ yärdämçel törkemnärdän sanala. Mäskäwdä, salqınnar torğanda, tuñğan maşinalarnı tereltergä tırışıp, ber bersenä tağıp yörtep, kiñäşlär birep, berdämleklären kürsätte alar, dip yaza gäzit. Fiker alışular, räsemnär belän bergä bayıtılıp bara. Salqında yarılğan közgelär, täräzälär, plastmas qapqaçlar turındağı xikäyälär, foto räsemnär belän bergä virus tizlege belän kompyuter çeltärendä tarala, dip yaza gäzit xäbärçese. Bu yazmada nigezdä, Mäskäw maşina yörtüçeläre turında söylänä, ämma Qazandağı avtomobil yörtüçelär turında da sul uq süzlärne äytep bula. Soñğı salqın könnärdä internetta oyışqan törkemneñ şaqtıy zur häm berdäm buluı kürende. Qazandağı maşina yörtüçelärneñ iñ populär internet säxifäse www.autokazan.ru adresında urnaşqan. Maşina qabınmasa, avariägä eläksägez, yulda tuqtatıp ştraf salsalar, avtomobilne satası bulsa, yäki yañanı alırğa telisez ikän, bu forumğa kerep barlıq sorawlarğa cawap tabırsız. http://www.autokazan.ru/conferences/autokazan/?page=1

Qazanda torğan salqınnar waqıtında niçek maşinanı qabızırğa, kem nindi ısullar qullana, digän söyläşülär bardı. Kemder, niçek itep tönlä torıp maşina motorın cılıtuın söylägän, kemder, törle närsä qılanıp qaradım, qabınmadı, dip zarlanğan. Avtomobillär tiräsendäge forumda, qazanda bulğan zur avariälär turında mäğlümatlar da, sekundında uq kilep çığa häm alarğa fiker belderülär başlana. Kemder, qızıq xällärneñ räsemnären dä tiz arada internetqa cibärä. Monda nigezdä Qazan yäşläre aralaşa, qızlar da, yegetlär dä bar, törle yäştäge keşelär oçrıy. Bu forumda tatarça aralaşmıylar. Älege internet säxifädä, könenä 30-40 keşe kerä häm fikeren belderep qala. Tatar forumnarında da aralaşalar anı diärsez. Ämma tatar problemaların, millät, tarix, qatnaş nikaxlar, tatar däwlätçelege kebek temalar küpkä azraq keşeneñ iğtibarın cälep itä. Tatar forumnarı arasında iñ tanılğan internet säxifälärdä, «Yuldaş» säxifäsendä mäsälän, urtaça 10 keşe kerep fikerläşergä mömkin. İrek Bikininnıñ «Tatarskaya gazeta» konferensiäsendä annan da azraq, könenä 4-5 yaña replika basılıp bara.

Forumnar belän üzegez tanışırğa telisez ikän, adreslarnı qabatlıym. www.autokazan.ru, www.yuldash.com/forum , www.yuldash.com/tg

Bikä Timerova

XS
SM
MD
LG