Accessibility links

Кайнар хәбәр

İzrail Hamas belän söyläşülärdän baş tarta


İzrail, tağın ber tapqır, Hamas wäkillärennän torğan xökümät belän xezmättäşlek itmiäçägen qabatladı. İzrail premyer-ministrı Ariel Şaronnıñ kiñäşçese Raanan Gissin, İzrail, xalıqara cämäğätçelek tarafınnan terror oyışması dip qabul itelgän törkem belän eş itmiäçäk, dide:

"İzrail älbättä, terror oyışmasıları dip tanılğan törkemnär belän söyläşülär uzdırmıyaçaq. Hamas böten illär tarafınnan terror oyışması bularaq tanılğan, Hamas Oslo kileşüenä häm fälestin xakimiäte rizalıq beldergän tınıçlıq yulı planına qarşı."

Fälestin prezidentı Mahmud Abbas yaqın könnärdä suğışçan Hamas törkeme wäkilläre belän yaña xökümät tözü turında söyläşülär uzdıraçaq. 25 ğinwar çärşämbe könne uzğan saylawlarda Hamas tawışlarnıñ küpçelegen aldı.
XS
SM
MD
LG