Accessibility links

дүшәмбе, 5 декабрь 2016, Казан вакыты 03:38

Başqortstan sänğätkärläre törle töbäklärdä çığış yasıy


Başqortstan sänğät ostaları yaña yıllarnıñ ozaqqa suzılğan yallarınnan soñ üz eşçänlegen canlandırıp cibärde. Küp kenä cırçılar üz törkemnäre belän tatarlar häm başqortlar yäşägän çit töbäklärgä dä icadi säfärlärgä kitä. Tanılğan cırçı Aydar Ğälimov häm anıñ icattaş dusları, misal öçen, comğa könne Nijnewartovski şähärendä yıraq Seber yaqlarındağı ğastrol'lären başlap cibärde. “Aydar” teatr-studiäse andağı Tömän, Tobol, Surğut kebek zur şähärlärdä dä, keçeräk başqa şähärlärdä dä 8 fevrälgä qädär konsertlar biräçäk.

Başqortstandağı tanılğan tatar cırçısı Radik Dinäxmätov isä üzeneñ sänğät törkeme belän bu könnärdä kürşe Çiläbe ölkäsendäge icat säfären başlıy.

Comğa könne Ufa üze dä şaqtıy küp qunaqlar qabul itte. Qazannan kilgän kürenekle cırçılar Zäynäp Färxetdinowa belän Zöfär Bilalov, Xämdünä Timerğäliewa, İlham Şärif, Göldaniä Xäyrullina, kompozitor Rinat Ğobäydullin “Yübileynıy” mädäniät sarayında ütüçe konsertta qatnaşa. Alarnı bu tamaşağa Başqortstandağı icattaş dusları Färidä bulän Robert Timerbayıvlar çaqırğan.

XS
SM
MD
LG