Accessibility links

сишәмбе, 6 декабрь 2016, Казан вакыты 15:08

Polşada tübä işelep 66 keşe ülde


Katowice -- Polşanıñ könyağında urnaşqan bu şähärdä kürgäzmä binasınıñ tübäse işelü näticäsendä qorbannar sanı 66-ğa citte. Qotqaruçlıar fikerençä, bu san artırğa mömkin. Uzğan töndä minus 15 däräcä salqın bulğan, xäräbälär astında isän qaluçılar tabılmas dilär. Polşanıñ yanğın idaräse başlığı Kazimir Krzowski, "isännärne tabu ixtimalı yuq däräcäsendä" dide. Kimendä 140 keşe yaralanğan. Tübä işelgän waqıtta binada 500läp keşe bulğan dielä. Alar anda xat taşuçı kügärçennär kürgäzmäsendä qatnaşqan. Qazanıñ säbäbe – tözüçelär xatası bulırğa mömkin digän farazlar äytelä. Polşa prezidentı Lex Katsinski monı "demokratik Polşa" tarixında iñ zur qaza dip atadı. Polşada 3 könlek matäm iğlan itelde.

XS
SM
MD
LG