Tiflis -- Ber atna tänäfestän soñ bügen Gruziägä Rusiä gazın cibärü yañartıldı. Tönyaq Osetiä räsmiläre süzlärençä, gaz yäkşämbe irtäsendä cibärelä başlağan. Xäbärne Gruziä premier-ministrı Zurab Nogaideli da rasladı. Ber atna elek Tönyaq Osetiädä bulğan şartlawlardan soñ gaz ütkärgeçenä zıyan kilde, Gruziägä gaz cibärü özelde. Bu Rusiä belän Gruziä arasında kierenkelek artuğa kiterde. Kiçä Gruziä Rusiäneñ Tiflistağı ilçelegenä elektr birüne tuqtattı. Rusiäneñ Tışqı eşlär ministrlığı moña tänqit belderde. Gaz qıtlığına östäp, Gruziäneñ könbatışında köçle qarlar säbäple elektr çıbıqları özelep, qayber töbäklär elektrsız qaldı.
