Accessibility links

җомга, 9 декабрь 2016, Казан вакыты 03:10

Şäymiev Rusiäneñ milli säyäsäten tänqitli


Tatarstanda işle qar yawa, ä kön beraz cılındı, düşämbe könne uramda 19 däräcä salqın. İnde xäzer Metşin citäklägän Qazan administratsiäse böten texnikanı qar körtlärenä yünältte.

İñ zur säyäsi waqiğa – Tatarstan Prezidentı Mintimer Şäymievnıñ «İnterfax» ağantlığı birgän äñgämäse. Anıñ fikerençä Rusiädä iñ qurqınıç häm cimergeç köç - ksenofobiä. Küp millätle häm küp dinle ildä bez faşizmğa aqın ekstremizm ğämällärenä döres bäyä birergä tieş dip sanıy Şäymiev. 5 yıl elek taqıbrabaşlarnıñ ğämälläre yäş üsmerlär xuliganlığı dip kenä bäyälängän ide. Ä xäzer milli säbäptän Piterburgta, Voronejda keşe üterülär, Mäskäw sinagogasına höcüm buldı. Tatarstan Prezidentı student yäşlär belän oçraşqanda federal'' xaqmiätneñ milli häm dini tüzemsezlekkä döres bäyä birmäwenä qänäğätsezlek beldergännär. Däwlät Sovetı deputatları uzğan atnada Rusiädä ksenofobiyä, milli häm dini ızğışlar köçäyü turında federatsiä citäkçelegenä möräcäğät qabul ittelär. Mintimer Şäymievnıñ qayber töbäklärdä urta mäktäplärdä pravoslau dinen uqıtunı ürnäk itep kürsätügä qarşı çıqqan. Ä ni öçen möselman häm yähüd dinnäre kebek traditsion konfessiälärdän pravoslau dinenä ayırım östenlek birelä. Bez yış qına Rusiäneñ milli säyäsäte kiräklege turında belderäbez, ämma bezne qızğanıçqa qarşı işetmilär. Komunal xucalıq tarmağı belän şöğellänüçe Rusiä töbäk säyäsäte milli säyäsät ministrlığı tügel, xakimiät strukturalarnıñ kübese milli säyäsät digän süzneñ üzennän qurqa. Demokratik cämğiättä milli häm dini mönäsäbätlär bigräk tä ähämiätle, dip belderde beldergän Tatarstan Prezidentı.

Rimzil Wäli

XS
SM
MD
LG