Accessibility links

шимбә, 3 декабрь 2016, Казан вакыты 05:26

Äl-Ämmäri Möxämmät: Dini tärbiä bulğan ildä cämğiät totrıqlı bula


Dini belem birügä bağışlanğan bu tügäräk östälne Qazan xakimiäte qarşındağı din eşläre Şurası, respublikanıñ Diniä Näzaräte, Qazan yeparxiäse häm sotsial'' mäğärif akademiäse oyıştırdı. Anda küp kenä ğalimnär, şul isäptä Könçığışnı öyränü institutınıñ aldınğı xezmätkäre Täwfıyk İbrahim da bar ide. Cıyılışnı alıp baruçı akademiäneñ fän eşe prorektorı Aydar Yuzeev tügäräk östälneñ töp teması turında bolay dide:

Mäğärif buyınça bezneñ cämğiättä nindi problemalar bar? Tatar tele yuğarı uqu yortlarında uqıtılmıy diärlek. Barı tik gumanitar fakel’tetlarında ğına tatar tele uqıtıla. Dini mäğärifneñ töp probleması - dini universitetlarnıñ akkreditatsiäläre yuq.

Cıyılışta möselman mäğärifen modernizatsiäläü, Qazan yeparxiäsendä mäğärif, sotsial'' mäğärif akademiäsendä ğäräp telen öyrätü häm başqa küp kenä temalarğa dokladlar uqıldı.

Tatarstanda dini belem birü şaqtıy yuğarı däräcädä digän fikerlär äytelde cıyılışta. Möselman, pravoslau, ä şulay uq yevrey balaları öçen dä maxsus mäktäplär bar Qazanda. Xätta dini bulmağan uqu yortlarında da pravoslau kafedrası eşläp kilä dide sotsial'' mäğärif akademiäseneñ rektorı Güzäl Möxämmätcanova. Bügenge köndä faydasız kitaplar bik küp dide ul. Küp kenä yäşlär maqsatsız yäşi. Şunlıqtan da yäş keşelär arasında narkomaniä, alkogolizm kebek qurqınıç awırular çäçäk ata. Bu afättän qotılu yullarınıñ möhime itep dinne küräbez. Dindä yazılğan äxlaq qanunnarı saqlap qalır bezne dide Güzäl Möxämmätcanova.

Dini kütäreleşkä bağışlanğan eşçänlek xaqında din eşläre Şurası räise Rinat Näbiev söyläde:

Din eşläre Şurası qarşında maxsus komissiä eşläp kilä. Komissiä eşendä din wäkilläre, Däwlät xezmätkärläre häm ğalimnär qatnaşa. Yılğa ike tapqır älege komissiä äğzäläre uqu yortlarına barıp tikşerülär ütkärä. Häm anda çığarılğan problemalarnı komissiä utırışında qarıy.

Şulay da Qazanda tulı qanlı dini belem birü mömkin mikän? Bu sorawğa sotsial'' mäğärif akademiäseneñ Yemendağı professorı Äl''-Ämmäri-Möxämmät bolay dip cawap birde:

Minemçä, bu här sivilizatsiäle ildä bulırğa tieş. Çönki dini tärbiä bulğan cirdä cämğiät stabil'' bula, cinayätçelek tä kimi. Häm bu eşçänlek cämğiät oyışmaları, mäçet tarafınnan ğına tügel, ä däwlättän dä alıp barılırğa tieş. Dini tärbiä birüne däwlät mäktäp busağasınnan uq başlasa ğına, zur fayda bulaçaq

Tügäräk östäldä barğan fiker alışu dini belem birüneñ iñ borçulı häm möhim mäs''älä ikänlegen kürsätte.

Albina Zäynulla

XS
SM
MD
LG