Accessibility links

шимбә, 10 декабрь 2016, Казан вакыты 06:09

Xalıq kamil armiä teli


Başqala xalqınıñ kübese Çiläbedäge soldat waqiğasın işetkännär. Şuña da üzläreneñ uy-fikerlären citkerergä tartınıp tormadılar. Qayberlärneñ armiäne üzgärtü buyınça täqdimnäre dä buldı. Urta yäşlärdäge abzıy ber malayınıñ isän-imin xezmät itep qaytuın äytte. Ber ata-ana da üz balalarına naçarlıq telämi dide. Babaylar, komandirlarnı, ofitserlarnı tügel, töp ministrnı urınınnan quarğa kiräk dip citkerdelär. Soldatnı ayaqsız qaldırğançı qinaw ber däwlättä dä bulmağandır, bu citäkçelärneñ cawapsızlığı arqasında kilep çıqqan waqiğağa oxşağan didelär. Student qız Çiläbe ölkäsendä bulğan xälneñ Rossiäne, Rossiä armiäsen, xalqın tübänsetüen, qara tap belän buyaluın äytte. Soldatnıñ ayanıçlı yazmışı bezne genä tügel böten dönyanı uylanırğa mäcbür itkänder dide. Ölkän yäşlärdäge abzıy armiädä tärtip yuqlığın tağın ber qat iskärtep ütte. Tärtip bulsın öçen Jukov zamanındağı kebek tärtiplär, iskitkeç ğädel ustav kiräklegen iskärtte. Ägär xärbi citäkçelär naçarlıq qılsalar alarnı şunduq xökemgä tarttılar, bu oçraqta da xärbi citäkçelärne urınnarınnan quarğa kiräk dip tä östäp quydı. Malayı ofitser bulıp xezmät itüçe xanımda nıq borçıluın belderde. Xärbi ölkädä tikşerep, tärtip urnaştırıp toruçı keşelär kiräklegen dä iskärtte. Urta yäşlärdäge ike malay atası xärbi xezmättä ayanıçlı xällärgä noqta quyılmıyça yegetlärne cibärmäskä ide di. Ägär Rossiä bezneñ ullarnıñ üzenä xezmät itüen teli ikän, başta tärtip, demokratiä, xaqlıq urnaştırsın, şunnan soñ ğına armiägä alsın dide. Armiädäge qurqınıç xällärdän soñ ike malayı öçen borçıluın citkerde, qulımnan kilsä ullarımnı xärbi xezmätkä cibärmäs idem dip tä quydı. İrle-xatınlı abıy belän apa Çiläbedäge soldatnıñ äti-änisenä sabırlıq telädelär, abzıy “Balıq – başınnan çeri başlıy,” – digän xalıq äytemen kiterep, ğayıp östä baş bulıp toruçı xärbilärdän kilä dip tä östäde. Röstäm İsxaqi

XS
SM
MD
LG