Accessibility links

якшәмбе, 11 декабрь 2016, Казан вакыты 03:36

Hamas Fälestin idaräsenä xalıqara yardämne tuqtatmasqa çaqıra


Fälestin suğışçan törkeme Hamas üzeneñ uzğan atnadağı parlament saylawlarında ciñüennän soñ xalıqara cämäğätçelek Fälestin xakimiätenä yardämne tuqtatmasqa tieş dide. Hamasnıñ Gazadağı citäkçese İsmail Haniye fälestin xalqı ğädel saylawlarda demokratik räweştä Hamasnı sayladı häm anıñ saylawı xörmät itelergä tieş dide. Ul yardämneñ suğışçan ğämällärne finanslawğa totılu mömkinlege turındağı borçılularğa qarşı çıqtı. "Bez sezne xäzerge xäldä bezneñ fälestin xalqıbıznı añlarğa häm töbäkne basım häm kierenkelekkä taba tügel, totrıqlılıqqa etärü öçen ruxi häm finans yardämen däwam itärgä çaqırabız" dide Haniye. Quşma Ştatlar Hamas citäkçelegendäge fälestin xökümätenä yardäm itmiäçägen belderde. İzrail tüläwlär tuñdırılaçaq dide. Yewropa Berlegeneñ tışqı eşlär ministrları Brüssel'däge oçraşuda bu mäs'älä turında söyläşä.

XS
SM
MD
LG