Accessibility links

сишәмбе, 6 декабрь 2016, Казан вакыты 19:09

Putin saqlanu ministrlığına imgätelgän Sıçev eşen tikşerüçe prokurorlar belän xezmättäşlek itärgä quştı


Rusiä prezidentı Vladimir Putin Saqlanu ministrlığınnan Rusiä armiäsendä ilne teträtkän wäxşilekne tikşerüçe xärbi prokurorlar belän tulısınça xezmättäşlek itüne taläp itte. Çiläbe xärbi uqu yortında Yaña yıl bäyrämnärendä ölkänräk xärbilär tarafınnan nıq qıynalğan 19 yäşlek Andrey Sıçevnıñ ayaqları häm censi äğzaları kiselde. Xökümät utırışında Putin "Min saqlanu ministrlığınnan bu cinayätne tulısınça tikşerüçe baş prokuraturağa mömkin bulğan barlıq yardämne kürsätüne sorıym. İkençedän, min saqlanu ministrınnan armiädä häm flotta tärbiä eşen yaxşırtu maqstında xoquqıy häm oyıştıru täqdimnäre belän çığunı sorıym" dide. Putin şulay uq Saqlanu ministrlığına Sıçev ğailäsenä finans yardäme kürsätergä quştı. Xärbi prokurorlar äytüençä Sıçevnı qıynawda 12 xärbi ğäyeplänä. Alarnıñ öçese törmägä yabıp totıla. Sıçevlar ğailäse bu waqıyğa öçen cawaplılarnı, şul isäptän Saqlanu ministrlığın mäxkamägä biräçägen belderde.

XS
SM
MD
LG